Memleket basşysy Qasym-Jomart Toqaev Soltüstık Qazaqstan oblysyna sapary aiasynda «Qyzyljar-Süt» fermasynyŋ jūmysymen tanysty. Prezidentke süt fermasyndaǧy sauyn sehy jäne mal bordaqylau alaŋy körsetılıp, osy keşende qoldanylatyn süt öndıru tehnologiiasy tanystyryldy.
Tauarlyq süt fermasynyŋ bırınşı kezeŋı 2020 jyly ıske qosylǧan. Byltyr käsıporynǧa 366 million teŋge investisiialyq subsidiia bölıngen, Germaniiadan simmental jäne golştin asyl tūqymdy ırı qara satyp äkelıngen. Ferma 60 jergılıktı tūrǧyndy tūraqty jūmyspen qamtamasyz etıp otyr.
Prezident Soltüstık Qazaqstan öŋırınde mal şaruaşylyǧy önımderınıŋ öndırıs kölemın arttyruǧa mol mümkındık bar ekenın atap öttı.
– Bız mūndai öndırıstık jobalarǧa mındettı türde qoldau körsetemız. Äleumettık-käsıpkerlık korporasiialar arqyly jeŋıldıkpen kredit beru öz tiımdılıgın körsettı. Iаǧni qarjylandyru jaǧynan mäsele bolmauǧa tiıs. Süt öndırısın tiıstı deŋgeide ūiymdastyru kerek. Bükıl el boiynşa öz-özımızdı süt önımderımen qamtamasyz etetın deŋgeige jetuımız kerek, – dedı Memleket basşysy.
Oblys äkımınıŋ orynbasary Marat Tasmaǧambetovtıŋ aituynşa, qazırgı taŋda aimaqta jyl saiyn 650 myŋ tonnadan astam süt öndırıledı. Būl – respublika boiynşa öndırıletın süt kölemınıŋ 10 paiyzy. Soŋǧy bes jylda oblysta 16,5 myŋ bas ırı qaraǧa eseptelgen 30 süt fermasy aşyldy. Biyldan bastap taǧy da 17 tauarlyq süt fermasyn aşu üşın qosymşa 54,9 mlrd teŋge bölınedı.
Jalpy, oblysta agroönerkäsıp salasyndaǧy jobalardy jüzege asyru üşın jeŋıldıkpen kredit beru mehanizmı ıske qosylǧan. Öŋırdı keşendı damytu baǧdarlamasy aiasynda «Soltüstık» äleumettık-käsıpkerlık korporasiiasy arqyly jalpy qūny 35 milliard teŋgege 35 joba qarjylandyryldy. Atap aitqanda, memleket qoldauymen 21 süt fermasy jäne 2 qūs fabrikasy aşyldy. Taǧy bır qūs fabrikasy aldaǧy uaqytta paidalanuǧa berıledı. Et önımderın şyǧaruǧa mamandanǧan «EMC-Agro» JŞS keşenındegı mal sany 200 myŋ basqa deiın köbeiıp, qosymşa 180 jūmys orny aşylmaq. Sonymen qatar mai syǧatyn zauyt, jylyjai, suarmaly egıstık, asyl tūqymdy qoi şaruaşylyǧy sekıldı bırneşe baǧytta türlı joba jüzege asyryla bastady.
Prezident agroönerkäsıp keşenı basşylarymen jäne qarapaiym jūmysşylarmen äŋgımelestı. Olar memleket tarapynan jan-jaqty qoldaudyŋ nätijesınde Soltüstık Qazaqstan oblysynda mal şaruaşylyǧynyŋ damuy tyŋ qarqyn alǧanyn atap öttı.
***
Memleket basşysy Qasym-Jomart Toqaev Soltüstık Qazaqstan oblysyna jūmys sapary aiasynda köktemgı egıs nauqanymen tanysu üşın «Daiyndyq Agro» JŞS-ǧa qarasty egıstık alqabyn aralap kördı. Atalǧan şaruaşylyq dändı, maily daqyldar ösırumen jäne mal şaruaşylyǧymen ainalysady. İelıgınde 15,8 myŋ gektar egıstık alqaby, 4,2 myŋ gektar jaiylymdyq jerı bar. «Daiyndyq Agro» direktory Bırjan Şäimerdenov biyl bidaidyŋ austriialyq «Trizo» sortyn egıp, gektarynan 25 sentner önım aludy josparlap otyrǧanyn aitty.
Prezident diqandardyŋ eksporttyq sūranysy joǧary daqyldardy ösıruge beiımdelgenın atap ötıp, şarualardyŋ eŋbegıne oŋ baǧa berdı. Prezidentke köktemgı egıs nauqanynyŋ barysy jönınde mälımet berıldı.
Azyq-tülık qauıpsızdıgın qamtamasyz etu üşın egıstık alqaptaryn ärtaraptandyryp, äleumettık maŋyzy bar daqyldardy köbırek egu mäselesıne ūdaiy nazar audarylady. Soŋǧy jyldary oblysta qaraqūmyq egu 3 ese, kartop, säbız, oramjapyraq sekıldı kökönıster alqaby şamamen 1,5-2 ese artqan.
Qasym-Jomart Toqaev egıstık basynda oblystyŋ auyl şaruaşylyǧy önımın öndıruşılerımen äŋgımelestı. Olar memlekettıŋ tiımdı qoldauy nätijesınde şaruaşylyqtaryn keŋeituge mümkındık alǧanyn aitty. Irı şaruaşylyqtar auyl halqyn jūmyspen qamtyp qana qoimai, auyldaǧy äleumettık bastamalarǧa da üles qosyp keledı.
Memleket basşysy eŋbek önımdılıgın arttyryp, auyl şaruaşylyǧyna jaŋa tehnologiialar men öndırıs täsılderın engızu maŋyzdy ekenıne nazar audardy. Prezidenttıŋ pıkırınşe, būl şaralar halyqtyŋ tūrmys sapasyn jaqsartuǧa, naqty tabysynyŋ artuyna yqpal etedı. Qazırgı kezde Soltüstık Qazaqstan oblysyndaǧy eŋbek önımdılıgı, auyl şaruaşylyǧy salasyndaǧy bır jūmysşyǧa şaqqanda, 5 million teŋgenı qūraidy. Būl respublikalyq ortaşa körsetkışten äldeqaida joǧary.
Sondai-aq Prezident oblys basşylyǧyna osy baǧyttaǧy jūmysty odan ärı jalǧastyrudy jäne auyl şaruaşylyǧy önımderın öŋdeu ısın damytudy tapsyrdy. Diqandardyŋ köktemgı egıs nauqanyn sättı atqaruyna tılektestık bıldırdı.
