Elordadaǧy az qamtylǧan otbasylar men jūmys ısteitın jastar üşın salynyp jatqan üilerge qatysty Memleket basşysynyŋ tapsyrmalary qalai oryndalyp jatyr?
Elorda äkımı Altai Kölgınov Elbasy jariialaǧan Jastar jylynda jūmys ısteitın jastarǧa, köpbalaly, az qamtylǧan otbasylarǧa jäne apatty üilerdıŋ tūrǧyndaryna salynyp jatqan köpqabatty tūrǧyn üi keşenıne bardy. Memleket basşysy Qasym-Jomart Toqaev elordany odan ärı damytu jönındegı keŋeste tūrǧyn üidı ıske qosu qarqynyn jäne qūrylys jūmystarynyŋ kölemın arttyru qajettıgıne nazar audarǧany belgılı. Prezidenttıŋ mekemelerdıŋ «qadamdyq qoljetımdılık» turaly tapsyrmasyn ıske asyru aiasynda tūrǧyn üi keşenınıŋ bırınşı qabatynda erekşe qajettılıkterı bar balalarǧa arnalǧan oŋaltu ortalyǧy, audandaǧy barlyq tūrǧyndardyŋ qajettılıgın öteitın emhana bolady. Al ekınşı qabatta – balalarǧa arnalǧan şaǧyn ortalyq jäne qauıpsızdıktı qamtamasyz etu üşın polisiia beketı ornalasady. Salynǧan üi-jailary men ekı deŋgeilı parkingı bar tūrǧyn üi keşenı
Ä. Jangeldin, S. Rahimov, Ş. Uälihanov köşelerınıŋ qiylysynda (eskı bazar orny) ornalasqan. Mūnda 1472 päter bolady.
Tūrǧyn üi keşenı osy jyldyŋ soŋyna deiın paidalanuǧa berıledı. Qala äkımı Memleket basşysynyŋ tapsyrmasy boiynşa balalardyŋ terezeden qūlauyn boldyrmau üşın qūrylys normalarynda qauıpsızdıktıŋ naqty parametrlerın küşeitu qajettıgın atap öttı. Sondai-aq üidı injenerlık jelılerge uaqytynda qosyp, aula aumaqtaryn abattandyrudy aiaqtaudy tapsyrdy.
