Ädılbek Jaqsybekov: Astana äuejaiy – elordanyŋ ǧana emes, elımızdıŋ äue qaqpasy

Keşe Astana äkımı Ädılbek Jaqsybekov halyqaralyq äuejaidyŋ jūmysy men ony damytu mäselelerı talqyǧa salynǧan jiyn ötkızdı. Oǧan qalalyq qūrylym ökılderı, qazaqstandyq äue kompaniialary, Ūlttyq qauıpsızdık komitetı, Işkı ıster, Tūtynuşylar qūqyǧyn qorǧau departamentterınıŋ ökılderı qatysty dep habarlady qala äkımınıŋ baspasöz qyzmetı.

Äkım özınıŋ kırıspe sözınde «Nūrly jol» jaŋa ekonomikalyq saiasatynyŋ negızgı baǧyttarynyŋ bırı – kölık-logis­tikalyq infraqūrylymyn jetıldıru üşın äuejailardy damytuǧa aiyryqşa köŋıl bölınetındıgın aitty.
Bügıngı taŋda ışkı jäne halyqaralyq äue qatynastarynyŋ basym bölıgı – Astana men Almaty qalalarynyŋ ülesınde. Eldıŋ aviasiia naryǧynda ekınşı orynda tūrǧan elorda äuejaiyna barlyq reisterdıŋ – 12%-y, jolauşylar tasymalynyŋ – 24%-y tiesılı bolsa, poşta men jük tasymalynyŋ jalpy kölemınıŋ 6%-y osy jerden jöneltıledı.
– Astana äuejaiynyŋ ötkızu qa­bı­lettılıgınıŋ jetkılıksızdıgı avia­kom­paniialardyŋ operasiialyq qyzmetterın şektep, jolauşylardyŋ sūranystaryn tolyq kölemınde qanaǧattandyra almai otyr. Keleşekte būl jolauşylar tasymaly trafigıne kerı äserın tigızuı mümkın. Osy mäselelerdı şeşu üşın 2015 jyldyŋ aqpanynda terminaldy ūlǧaitu jäne ūşyp-qonu alaŋyn qaita jaŋartu jūmystary bastalǧan edı, ol 2017 jyldyŋ nauryzynda aiaqtalmaq, – dedı äkım.
Atalǧan jobanyŋ maŋyzdylyǧyna toqtala kele, qala basşysy Astana äuejaiy – elordanyŋ ǧana emes, memlekettıŋ negızgı äue qaqpasy ekenın de basa aitty.
Jiyn barysynda äkım şūǧyl şaralar qabyldaudy qajet etetın bırqatar ūiymdastyruşylyq jäne tehnikalyq olqylyqtardy da tılge tiek ettı. Qauıp­sızdık qyzmetıne de syn aityldy.
Taǧy bır tüitkıldı mäselenıŋ bırı – zaŋsyz taksi qyzmetı.
– Elordaǧa keluşı jolauşylardy jalpy qabyldau zalynda kütıp alyp, özderınıŋ qyzmetterın jaǧalasa ūsynatyn jeke kölıgımen tasymaldau­şylar da kerı äser tuǧyzudan tanbai keledı. Işkı ıster departamentıne osyndai zaŋsyz taksisterge şara qoldanudy tapsyramyn, – dedı äkım.
Ol, sondai-aq, resmi äuejai taksiı bolyp tabylatyn «Jebe» taksomotorlyq kompaniiasynyŋ qyzmetkerlerı elor­dalyq deŋgeige sai boluy üşın üş tılde erkın söileuı kerek ekendıgın aitty.
Äkım qoǧamdyq kölık qyzmetıne de toqtaldy. Halyqaralyq äuejaiǧa qatynaityn qoǧamdyq kölıkter №1, №3 avtoparkke qaraidy. Onyŋ aituynşa, būl baǧdarlarǧa da resmi taksige qoiylatyn talaptar qoiyluy qajet.
– Bügınde avtobus konduktorlaryn är üş-tört ai saiyn auystyryp otyru ürdısı qalyptasty. Alaida, avtobustardyŋ sanitariialyq jaǧdaiyna jasalǧan eskertulerden qorytyndy şyǧarylǧan joq. Konduktorlardy oqytqanda äuejaiǧa qatynaityn baǧdarlarǧa erekşe köŋıl audaru qajet. Sonymen qatar, olardyŋ aǧylşyn tılın meŋgeru mümkındıkterın oilastyru qajet, – dedı Ä.Jaqsybekov.
Jiyn barysynda qyzmet körsetu sapasyn jaqsartu mäselelerı de söz boldy. Äkımnıŋ aituynşa, äuejaida elordalyq deŋgeige sai kelmeitın 30-ǧa juyq şaǧyn jäne orta biznes subektısı bar körınedı.
– Äuejai basşylyǧy kiım ülgısı, ydys-aiaq, baǧa körsetkışterı men bas­qa da servis qyzmetın bır jüiege tü­sıru mäselesın qarastyruy kerek. Är kompaniianyŋ öz «brendın» jarnama­laǧysy keletını tüsınıktı, bıraq, olar qai jerde qyzmet etıp jürgenderın de bıluı kerek. Sebebı, äldebır mäsele tuyndaǧan jaǧdaida barlyq eskertpeler äuejai äkım­şılıgıne aitylady, – dedı elorda basşysy.
Jiyn soŋynda Ä. Jaqsybekov bar­l­yq jauapty qūrylymdardy atalǧan mä­se­­lelerdı şeşu jolynda jedel ärı jūmyla äreket etuge şaqyrdy.