Äleumettık salada 33 jyl qyzmet atqaryp kele jatqan, bügıngı taŋda Astana qalasyndaǧy «Belsendı ūzaq ömır süru ortalyǧy» mekemesınıŋ Baiqoŋyr audany boiynşa bölımınıŋ basşysy Roza Baisalbaeva – asyl jar, aiauly ana ǧana emes, mamandyǧyn jaqsy meŋgergen, äleumettık salanyŋ qiyndyǧyn, ystyǧy men suyǧyn qatar körgen täjıribelı maman.
Roza Qarabekqyzy Astana qalasynda tuǧan, köpbalaly otbasynda tärbielengen. Bır basynda üş mamandyǧy bar – injener, pedagog, ekonomist. Qaraǧandy ekonomika universitetı men Selinograd auylşaruaşylyq institutyn bıtırgen. Eŋbek jolyn 1996 jyly Aqmola qalasynyŋ Jūmyspen qamtu ortalyǧynda jetekşı maman bolyp bastaǧan.
Qyz balaǧa tän barlyq tälım-tärbienı, ūlttyq qūndylyqtardy bala jastan boiyna sıŋırgen. Otbasyndaǧy qazaqi tärbie ony äleumettık qyzmet körsetu salasynda jetıstıkke jeteledı. Bılıktı basşy äleumettık qyzmette jürgen äielderdıŋ adami qasietterın erekşe baǧalaidy.
«Äleumettık salanyŋ mamany qyzmet aluşylardyŋ psihologiialyq tūrǧyda qarym-qatynas jasauyna köp köŋıl bölu, keibır egde jastaǧy zeinetkermen jeke söilesıp, qoldau körsetu qajet. Jas mamandarǧa köppen jūmys jasau barysynda aqyl-keŋes beru, pıkırlesıp otyru maŋyzdy dep esepteimın. Äleumettık qyzmet aluşylarmen tiımdı jūmys ısteu üşın streske tözımdı, köppen tıl tabysa bılu, jūmysyn şeksız süiu qajet dep sanaimyn» deidı Roza Qarabekqyzy.
Roza Baisalbaeva basşylyq etetın Baiqoŋyr audany boiynşa «Belsendı ūzaq ömır süru ortalyǧyna» 2 myŋnan astam qyzmet aluşy keledı. Qala zeinetkerlerı üşın sauyqtyru, medisinalyq, äleumettık-ekonomikalyq, eŋbek terapiiasy, tıldık jäne kompiuterlık kurstar, şahmat, toǧyzqūmalaq, mädeni üiırmeler tegın jūmys ısteidı. Ortalyqtyŋ maqsaty – qala zeinetkerlerınıŋ belsendı ömır saltyn ūzartu jäne bos uaqyttaryn tiımdı ūiymdastyru.
«Qandai mekemede qyzmet atqarsam da, adal boluǧa tyrystym. Iske adal bolu ärdaiym abyroi äkeletının bılemın. Äiel adam jetıstıkke jetu üşın barynşa bılımdı, bılıktı, ülkenge qūrmetpen qarau kerek dep oilaimyn» deidı bılıktı basşy Roza Baisalbaeva.
Meruert QAIYRTASQYZY
