Ardaqty ana, ūlaǧatty ūstaz, asyl äje, täjıribelı basşy, janaşyr ärıptes Aiman Döşkenqyzy Toqpataeva mamyrajai mamyrda alpysqa tolǧan edı. Student kezden ūstazdyqtyŋ ūly jolyn attaǧan Aiman apamyzdyŋ analyq, ūstazdyq mahabbatyna bölenu baqyty maǧan da būiyrdy.
Joǧary oqu ornyn aiaqtauǧa az uaqyt qalǧan. Elordadaǧy universitette ötken «Aşyq esık» järmeŋkesıne ülken jürektı, şäkırtterıne şynaiy jany aşityn bır aǧamyzdyŋ aituy boiynşa köppen bırge kümp ete qaldym. Ärı-berı qaişylasyp, sapyrylysqan köpşılık. Qazdai tızılgen üstelderde otyrǧan mekemelerdı jaǧalap kelemın. Bır kezde üstel üstındegı «№66 mektep-lisei» degen jazuǧa közım tüstı. Közıldırık taqqan bır apai jön sūrai bastady. Men de öz oiymdy aşyq aittym. Bıraz sūhbattasqan soŋ, «jaraidy, onda säuırdıŋ üşı künı kelıŋız» dep mekenjaiyn qolyma ūstatty. Uäde etkendei, säuırdıŋ qarly boranyna qaramai, älgı mekteptı betke aldym. Ötkende qarapaiym körıngen apaiym sol mekteptıŋ direktory bolyp şyqty. Aldyŋǧy joly kım ekenın de sūramappyn. Iştei azdap yŋǧaisyzdanyp, qysyla-qymtyryla ışke kırdım. «Kelıŋız, otyryŋyz» dedı. Mektep jaily qysqaşa aityp şyqty da, «qazır mektebımızdegı eŋ täjıribelı mūǧalımderınıŋ bırı Aiman Döşkenqyzyna barasyz, sızden test alady, eger ol kısıge ūnap jatsaŋyz, jūmysqa qabyldaimyn» dep kesıp aitty. Aitqan kabinetınıŋ esıgın aqyryn ǧana qaǧyp, sypaiy sälemdestım. Sabaq ötıp jatqan mūǧalım menen de sypaiy, myŋ ese mädeniettı eken. Sūŋǧaq boily, qaratory, keskın-kelbetı kelısken, jüzı jyly jan eken. Jarasymdy kiınetın syrt tūlǧasynan «naǧyz ūstaz» ekenı baiqalyp-aq tūr. Söilese kele, erkın äŋgımelesıp kettık. Öz ornyna otyrǧyzyp 25 test jäne «ūstaz» jaily esse jazdyrdy. Közqarasymyz üilestı. Bırden basşyǧa ertıp aparyp, jūmysqa qabyldatty. Aiman apama degen qūrmetım men taŋdanysym odan saiyn arta tüstı. Köpten kütken Bılım künı bastaldy. Bıletınım – bır toǧyz, bılmeitınım – toqsan toǧyz. Köbınde Aiman apamdy jaqyn tartym jürdım. Ol kısı de qoldan kelgen kömegın aiamady. Eskertetın jerlerın esıme salyp, jıgerlendıretın tūstarda şabyt berıp otyrdy. Keide üzılıste dämdı şaiyn ışıp, kämpitın jeitınmın. Az uaqyt ıstesem de ystyq şaimen bırge Aiman Döşkenqyzynyŋ analyq, ärıptestık ystyq mahabbatyn sezındım. Ol kısınıŋ ūiadan ūşyrǧan şäkırtterı tek elımızdıŋ ǧana emes, älemnıŋ tükpır-tükpırınde bılım alyp, eŋbek etıp jatyr.
Auǧanbai SANAQŪLY, Nūr-Sūltan qalasy
Ä.Bökeihan atyndaǧy №76 mektep-liseiınıŋ
qazaq tılı men ädebietı pänı mūǧalımı
