AIYPPŪLDY TEKSERE ALASYZ
Elordada jol qozǧalysy qauıpsızdıgın qamtamasyz etu, ereje būzuǧa bailanysty qoldanylatyn aiyppūldardy uaqytynda töleu qaǧidasyn qalyptastyru maqsatynda qala äkımdıgınıŋ qoldauymen respublikada tūŋǧyş ret «Tırşılık äreketın keşendı qamtamasyz etu jüiesı» atty jaŋa tehnologiia engızılıp otyr.
Endı kölıkke jol qozǧalysy erejelerın būzǧany üşın salynǧan aiyppūldardy smart.astana.kz saitynda onlain rejimde tekseruge bolady. Tiıstı aqparatty alu üşın avtomobildıŋ jäne tehnikalyq tölqūjattyŋ nomırlerın engızu kerek.
Jaŋa qyzmet Astana qalasynyŋ älemnıŋ damyǧan otyz «smart» qalasynyŋ qataryna enuı jönındegı şaralar aiasynda ūsynylyp otyr. Endı bır uaqytta bırneşe jol erejesın būzu jaǧdailaryn (jyldamdyqty arttyru, baǧdarşamnyŋ tyiym salynǧan belgısıne jüru jäne belgıden asyp toqtau) avtomatty foto jäne beinetırkeu jüiesı arqyly anyqtauǧa bolady.
Bügınde beinebaqylau kameralary qalanyŋ kölık aǧyny ülken qiylystarynda ornatylǧan. Qūrylǧylar joldyŋ kez kelgen bölıgındegı ereje būzuşylyq körınısterın ūdaiy baqylap tūrady.
Jūma ǦAZİEV