Mereke künderı Astana qalasy äkımınıŋ kubogy sarapqa salynǧan «Bärı de än şyrqaidy» atty karaoke chempionatynyŋ aqtyq syny öttı.
«Bärı de än şyrqaidy» konkursy elorda künıne orai osymen ekınşı ret ūiymdastyryldy. Jobanyŋ ideiasy da kezdeisoq tuǧan körınedı. Baiqaudyŋ qoiuşy rejisserı Baqytjan Tajinov: «Şyǧarmaşylyq orta bolǧan soŋ, dostarmen karaokege jiı baramyz. Neşe türlı dauystardy estimız. Jandy dauysta ändı şyn jüregımen ädemı jetkıze bıletınder köp kezdesedı. Osy daryndardyŋ basyn bırıktırıp, ülken sahnaǧa şyǧarsaq dep oiladym» deidı. Mūndai ūsynysty qala äkımdıgı bırauyzdan qoldaǧan. Byltyr chempionat önersüier qauym arasynda jyly qabyldanyp, osy jyly qatysuǧa niet bıldıruşıler qatary edäuır köbeiıptı.
Baiqau şarty boiynşa chempionatqa 16-75 jas aralyǧyndaǧy önerpazdar qatysa alady. Basqa baiqaulardan erekşelıgı, būl jerde käsıbi, äuesqoi änşılerdı bölek baǧalaidy. «Alau», «Sazdy jürek» jäne «JasStar» toby qūrylǧan. Soŋǧysy muzykalyq bılımı bar 30-ǧa deiıngı änşılerdı qamtidy. Bır qyzyǧy, jüldeden ümıttılerdıŋ eŋ ülkenı – 65 jastaǧy äje bolyp şyqty.
15 mamyrda ötken kastingke 250-ge juyq ümıtker qatysyp, 60 adam ırıktelgen bolatyn. Ekınşı kezeŋde 15 änşı baiqaumen qoş aitysty. Qalǧany bırneşe apta ūstazdardan vokal boiynşa sabaq alyp, sahna şeberlıgın üirendı.
Şirek finalda önerpazdar duet qūryp, balalarǧa arnalǧan änderdı şyrqady. Al, aqtyq synda jeke dauysta önerlerın körsettı. Olardyŋ qabıletın bılıktı mamandardan qūralǧan qazylar alqasy baǧalady. Nätijesınde bas jülde 17 jastaǧy astanalyq boijetken Änel Smaiylovaǧa būiyrdy.
Mädina JAQYP
