Eŋbek etseŋ, erte şyǧasyŋ
Jaŋa zeinetaqy reformasy aiasynda auyr jūmys ısteitın äielder zeinetke 50 jasynda şyǧady. Astanada Otbasy künıne arnalǧan halyqaralyq konferensiia barysynda QR Eŋbek jäne halyqty äleumettık qorǧau ministrı Tamara Düisenova osylai mälımdedı.
«Köp balaly äielderge zeinetke erterek şyǧuy üşın memleket tarapynan qoldau körsetıledı. Ekologiialyq apat aimaǧynda tūratyn äielder 45 jasynda zeinetke şyqsa, auyr jūmys ıstegen äielder 50 jasynda şyǧady» deidı ol. Sondai-aq, qorynda jetkılıktı mölşerde aqşa bolǧan jaǧdaida äieldıŋ zeinetke erterek şyǧuǧa mümkındıgı bar eken.
Belgısız beiıt bolady
Qazaqstanda laŋkesterge arnalǧan qūpiia zirat paida bolady.
Ükımettıŋ arnaiy qaulysyna säikes, laŋkestık äreket jasau nemese arnaiy operasiia kezınde öltırılgen bülıkşılerdıŋ denesı būdan bylai tuǧan-tuystaryna berılmeidı. Olardyŋ qai jerge kömıletını qūpiia saqtalmaq. Beiıtterınıŋ basyna eşqandai belgı qoiylmaityn körınedı
ärı jerleu räsımderımen jergılıktı äkımdıkter ainalyspaq. Laŋkesterdıŋ mūndai qūpiia zirattary älemnıŋ bırqatar elderınde bar.
Qyryq jas – qauıptı
Helsing universitetınıŋ ǧalymdary erkekter men äielder auruǧa eŋ köp şaldyǧatyn qauıptı jasty anyqtady.
Myŋǧa juyq aurulardyŋ tarihyn zerttegen ǧalymdar erler üşın qauıptı jas qyryq bolsa, äielder üşın otyz jasqa deiıngı aralyq degen tūjyrymǧa kelıp otyr. Däl osy kezeŋde olar infarkt, insult, immunitettıŋ tömendeuı syndy aurularǧa tez beiımdeledı eken.
Bilık būqaramen bailanyspaq
Elbasynyŋ arnaiy tapsyrmasyna säikes, QR Prezidentı janyndaǧy Ortalyq kommunikasiialar qyzmetı alaŋynda oblys jäne Astana men Almaty qalalarynyŋ äkımderı BAQ ökılderımen baspasöz mäslihatyn ötkızıp tūratyn bolady.
Maqsaty – bilık pen būqaranyŋ araqatynasyn barynşa jaqyndatu. Aimaqtarda äkımderdıŋ jasap jatqan jūmystaryn egjei-tegjeilı taldau, kemşın tūstaryn eskertu.
Şara aǧymdaǧy jyldyŋ 27 jeltoqsanyna deiın jalǧasady. Osy aralyqta 16 äkım esep beredı dep josparlanuda. Keşe alǧaş ret şaranyŋ şymyldyǧyn Şyǧys Qazaqstan oblysynyŋ äkımı Berdıbek Saparbaev aşty. Ol özı jetekşılık etetın öŋırdıŋ äleumettık-ekonomikalyq, saiasi jaǧdaiymen tanystyryp, jurnalisterdıŋ saualdaryna jauap berdı. Ortalyqtyŋ resmi ökılı Altai Äbibullaevtyŋ aituynşa, kelesı jūmadaǧy brifingke Aqmola oblysynyŋ äkımı Qosman Aitmūhambetov kelıp, öŋırdıŋ hal-ahualyn baiandaityn bolady.
Gülmira AIMAǦANBET
