DENEŞYNYQTYRU SABAǦYN ŪLTTYQ BIRYŊǦAI TESTILEUGE ENGIZU QAJET PE?
Jūmatai ÄLİEV, Parlament Mäjılısınıŋ deputaty:
Deneşynyqtyru pänın Bıryŋǧai ūlttyq testıleu pänderınıŋ qataryna, tıptı joǧary oqu oryndarynda memlekettık emtihanǧa engızu qajet.
Qazaqstannyŋ kök bairaǧyn jetı ret kökke kötergen Londondaǧy jetıstıkterımız, būqaralyq sportty jaŋa zamanǧa säikes jaŋartudyŋ jolyn körsetıp otyr. Sportty damyta otyryp köptegen äleumettık problemalardy şeşuge bolady. Atap aitqanda, ortaşa ömır süru ūzaqtyǧyn ūlǧaitu, aurulardyŋ aldyn alu, eŋ bastysy, dene şynyqtyru men sportty damytu – būl ūlttyŋ bolaşaǧyn jaqsartady.
Kelesı jyldan bastap memlekettık biudjetten olimpiada oiyndarynyŋ barlyq türlerınen sportşylardy daiarlau üşın «Olimpiadalyq daiarlyq ortalyqtaryna» jetkılıktı qarjy bölu qajet. Dene şynyqtyru sabaqtarynyŋ saǧatyn köbeitu kerek.
Barlyq aimaqtarda, äsırese, auyldyq jerlerde jeke sport basqarmalaryn qūrudy da ūsynar edım. Auyldyq jerlerde jyl boiy jūmys ısteitın sport ǧimarattaryn, sapaly qūral-jabdyqtarmen qamtylǧan dene şynyqtyru keşenderın saluymyz kerek. Sport infraqūrylymynyŋ şyǧysyna bölınetın qarjyny köbeitıp, «100 mektep» pen «100 auruhana» baǧdarlamasy sekıldı 100 dene şynyqtyru keşenderın saludy qolǧa alsaq, tıptı jaqsy bolar edı.
Aisūltan JAQYPBEKOV, ardager ūstaz, KSRO sport şeberı:
Jasyratyny joq, orta mektepterdegı deneşynyqtyru sabaǧyn oqytuda olqylyqtar köp. Būl pändı alaŋǧa şyǧyp dop tebu ǧana dep tüsınbeu kerek.
Älem chempiondary men Olimpiada oiyndarynyŋ bärı mektep qabyrǧasynan bastap qalyptasuy kerek. Ol üşın, ärine, deneşynyqtyru pänıne män beru kerek. Būl mäsele jaqynda Parlament qabyrǧasynda köterıldı. Öte qūptarlyq bastama. Mektep bıtıruşı tülekter de, joǧary oqu ornynyŋ studentterı de sporttan synaq tapsyrsa artyq etpeidı. Olardyŋ bärınen Olimpiada chempiondary şyqpaǧan künnıŋ özınde bız osy bastamany jüzege asyru arqyly ūlt densaulyǧyn jaqsartuǧa qol jetkıze alamyz. Bügınde bas qalamyzda sportpen ainalysamyn degen adamǧa barlyq jaǧdai jasalǧan.
