Aqyl-oiynda auytquy bar balalar
Qazırgı taŋda elımızdegı mümkındıgı şekteulı balalar özınıŋ qadır-qasietın qamtamasyz etetın, özıne degen senımdılıgın arttyryp jäne qoǧamdyq ömırge belsene aralasuyna järdemdesetın tolyqqandy jaǧdailarda laiyqty ömır sürude.
Al, aqyly kem balalarǧa jan-jaqty pedagogikalyq qoldau körsetılıp, ärbır oquşy şama-şarqyna qarai bılım kölemın meŋgerude. Jalpy, aqyl-oiynda ärtürlı auytquy bar balalardyŋ köbı tolyq emes jäne äleumettık jaǧdaiy naşar otbasylarynan şyǧady. Mūndai balalar öz otbasymen tolyq qarym-qatynas jasai almaidy jäne būl olardyŋ jeke tūlǧasynyŋ qalyptasuyna jaǧymsyz äser etedı.
İntellektualdyq jetıspeuşılık saldarynan aqyl-oiy kem balalardyŋ jeke tūlǧasynyŋ qalyptasuy ärtürlı aspektılerınde qiyn jaǧdailarda ötedı. Olar madaqtauǧa, qoldauǧa jäne renjısuge äserşıl bolyp keledı. Degenmen, ūnamsyz jäne erkeletu emosiialaryn ajyratady. Bıraq, öz emosiialaryn verbaldy türde körsete almaidy. Özınıŋ adamdarǧa degen qatynasyn jymiiumen, betıne qaraumen bıldıredı. Mektepke deiıngı jastaǧy aqyl-oiy kem balalar selsoq, senımsız bolady. Olardyŋ emosiialary älsız, alaida küizelısterı tūraqty, tereŋ bolyp keledı. Mūndai balalar aiqailauǧa, jügıruge, rūqsatsyz zat aluǧa, şulauǧa, qyrsyǧuǧa bolmaityndyǧyn tüsınbeidı. Al, keibıreulerı söilemeidı, jan-jaǧyna üreimen qaraidy, ata-analarynyŋ, tärbieşılerınıŋ artyna tyǧylady, qarym-qatynastan bas tartady.
Aqyl-oiy kem balalardyŋ emosiialyq köŋıl-küiı köbınese oiyn jäne eŋbek ıs-äreketınde körınıs beredı. Qalypty damyǧan mektepke deiıngı balalardyŋ jetekşı ıs-äreketınıŋ türı – oiyn bolsa, mektepke deiıngı aqyl-esı kem balalardyŋ damuynda ol qajettı oryn ielenbeidı. Mūndai balalar siujettık-röldık oiyndardy öz betterınşe meŋgere almaidy. Eresekterdıŋ kömegımen ǧana oiyn barysynda satuşyny, satyp aluşyny jäne t.b. rölderın oinaidy, alaida öz bastamasymen oiyn ūiymdastyra almaidy.
Sondyqtan, osyndai balalarǧa arnalǧan oŋaltu ortalyqtarynda tanymdyq ıs-äreketpen qatar olardy eŋbekke baulimyz. Sebebı, aqyl-oiy zaqymdanǧan balalar mınez-qūlyqtyŋ jalpy qabyldanǧan normasyn, qarym-qatynas daǧdysyn meŋgerude ülken qiyndyqqa kezdesedı. Qoryta aitqanda, mūndai balalardyŋ jeke tūlǧalyq erekşelıkterı normaǧa qaraǧanda anaǧūrlym keş baiqalady, al keibıreulerınde müldem qalyptaspaidy. Barlyq bılım türın baqylau, balalardy yntalandyru, ıs-äreket mümkındıgın däleldeu, oilau qyzmetın jinaqtap, qorytu onyŋ ışındegı bılım men ikemdılıktı jaŋa jaǧdaiǧa köşıru, sezınu – sözdık logikalyq jüie men praktikalyq oilau qyzmetınıŋ qūramdy bölıgımen ara-qatynasyn anyqtau, tapsyrmany öz betınşe şeşu, ülkender jaǧynan körsetılgen kömektı qabyldau qabıletın damytu jäne tūlǧalyq erekşelıkterınıŋ qalyptasuyna yqpal etetın faktorlardyŋ ışındegı maŋyzdysy pedagogtyŋ, mektep psihologynyŋ baǧalauy bolyp tabylady.
Baqytgül OSPANOVA,
Astana qalasy Balalar psihonevrologiialyq medisinalyq-äleumettık mekemesınıŋ tärbieşısı