D.Qonaev atyndaǧy universitet kolledjınde studentterdı otanşyldyqqa tärbieleu ısıne ünemı nazar audarylyp keledı. Jaqynda atalmyş oqu ornynda Ūly Otan soǧysynyŋ bır top ardagerlerımen kezdesu öttı.
Şaraǧa esep jäne audit, qūqyqtanu, audarma ısı, turizm, qonaq üi şaruaşylyǧyn ūiymdastyru jäne qyzmet körsetu, sondai-aq esepteu tehnikasy men baǧdarlamamen qamtamasyz etu mamandyqtary boiynşa oqityn studentter qatysty. Astanalyq ardagerler özderınıŋ ömır joly turaly tebırene äŋgımelei otyryp, jas ūrpaqtyŋ otanşyl azamat bolyp qalyptasuynyŋ özektılıgıne toqtaldy.
Maidanger Şärıpbai Tölepov otanşyl bolu degendi tuǧan qalasy men elin körkeitu jolynda naqty da kündelikti ister ıstep, öz jerlesteri men otandastaryna qoldau körsetu dep ūǧynatynyn aitty. Ardager Baltabai Süleimenov Memleket basşysy Nūrsūltan Nazarbaevtyŋ biylǧy «Nūrly jol – bolaşaqqa bastar jol» atty jaŋa Joldauyndaǧy aitylǧan buyndar bırlıgı, ūrpaqtar sabaqtastyǧy turaly oiyn ortaǧa saldy. Bızdıŋ jastarymyzdyŋ jaŋa, täuelsız elde ösıp kele jatqanyn, olardyŋ basym bölıgı 90-şy jyldardaǧy etnosaralyq soǧystar men qaqtyǧystardy, küireudı körmegenın, sondyqtan da jas buynnyŋ köpşılıgı Qazaqstandaǧy tūraqtylyq pen qolaily ömırdı solai boluǧa tiıs dep qabyldaitynyn aita kele, ardager bügıngı jastardyŋ elımızdegı ūltaralyq tatulyqty damytuǧa üles qosuy kerektıgın jetkızdı.
Şaizat ÄLMAǦAMBETOV,
D.Qonaev atyndaǧy universitet kolledjınıŋ oqytuşysy
