Astana qalasynyŋ äkımı Ädılbek Jaqsybekov Litva Respublikasynyŋ premer-ministrı Algirdas Butkiavichiuspen kezdestı. Ekı jaq sauda-ekonomikalyq, ǧylymi-tehnikalyq jäne mädeni bailanystar boiynşa bırqatar mäselelerdı talqylady dep habarlaidy qala äkımınıŋ baspasöz qyzmetı.
Elorda äkımı ekı eldı bailanystyratyn ärı qarqyndy damyp jatqan salalardaǧy özara yntymaqtastyqqa toqtalyp öttı.
Statistikalyq mälımetterge säikes, ötken jyldyŋ qorytyndysy boiynşa Qazaqstan men Litva arasyndaǧy tauar ainalymy 37%-ǧa artyp, 436,5 million AQŞ dollaryna jetken.
– Postkeŋestık keŋıstıktegı qazırgı saiasi jaǧdaiǧa bailanysty bızdıŋ memleket litvalyq önımdı Euraziialyq ekonomikalyq odaqqa ötkızudıŋ maŋyzdy arnasy bola alar edı.
Osy tūrǧydan alǧanda, bız ortaq käsıporyndar aşuǧa müddelımız, ol üşın «Astana – jaŋa qala» arnaiy ekonomikalyq aimaq sekıldı tiımdı aumaq qūrylǧan. Oǧan qatysuşylar aitarlyqtai kedendık jäne salyqtyq jeŋıldıkterge ie bolady, – dedı qala basşysy.
Äkım, sondai-aq, litvalyq käsıpkerlermen ıskerlık bailanys ornatudyŋ negızı ekı el astanalary arasyndaǧy sauda-ekonomikalyq, ǧylymi-tehnikalyq jäne mädeni yntymaqtastyq turaly kelısım bolyp tabylatynyn atap öttı. Aitpaqşy, bır apta būryn memleketterdıŋ kelısımdık qarym-qatynasyna 15 jyl toldy.
Litva ükımetınıŋ basşysy Astana men Vilnius arasyndaǧy qarym-qatynastyŋ qarqyndy damyp kele jatqanyn aita kelıp, özara yntymaqtastyqtyŋ odan ärı damitynyna senım artty.
Ä.Jaqsybekov litvalyqtardyŋ Astananyŋ damuyna belsendı atsalysyp jatqanyn, äsırese, «Astana» basketbol klubynyŋ bas bapkerı Ramunas Butautasty, elordadaǧy jaŋa qazaq jäne orys drama teatrlarynyŋ qūrylysyna arnalǧan eksiz-jobalardyŋ avtorlaryn – litvalyq säuletşılerdı mysal retınde atap öttı.
– Vilniuspen yntymaqtastyq jäne jalpy litvalyq käsıpkerlermen bailanys ornatu, äsırese, qala şaruaşylyǧy, densaulyq saqtau, bılım beru salalaryndaǧy «aqyldy» tehnologiialar syndy baǧyttar boiynşa ülken qyzyǧuşylyq tudyruda. Būl saparyŋyz qazaqstandyq-litvalyq qarym-qatynasqa, sonyŋ ışınde öŋıraralyq yntymaqtastyq deŋgeiıne qosymşa serpın beretınıne senımdımın, – dep qorytyndylady sözın qala basşysy.
