Būrnaǧy künı Ūly Jeŋıs merekesıne orai Halyqaralyq Astana äuejaiynda sūrapyl soǧysty közımen körgen ardagerlerge arnalǧan taǧylymdy şara öttı. Oǧan tek maidangerler ǧana emes, aviasiia men tyl eŋbekkerlerı jäne auǧan jauyngerlerı de qatysty.
Aldymen jinalǧan qauym soǧys dalasynda oqqa ūşyp qaza bolǧan jäne elge oralyp, beibıt ömırge aralasyp, osy torqaly toiǧa jete almaǧan maidangerlerdı de bır minut ünsızdıkpen eske aldy. Sodan soŋ ardagerler men tyl eŋbekkerlerın Astana halyqaralyq äuejaiy basqarma töraǧasynyŋ bırınşı orynbasary Rädılbek Ädimolda qūttyqtap, ızgı lebızın bıldırdı.
– Bızdıŋ ūrpaq üşın aituly merekenıŋ alar orny erek. Būl – eldık pen erlıktıŋ toǧysqan jerı. Sızderdıŋ barlyqtaryŋyz da batyrsyzdar. Osy beibıt kün üşın jauǧa keudelerıŋızdı tösep, keleşek ūrpaqqa baqytty şaq syiladyŋyzdar. El basyna auyr kün tuǧan sol kezeŋ eşqaşan ūmytylmaidy. Sondyqtan atalar salǧan daŋqty jol mäŋgı jasaidy, – dedı ol.
Sodan keiın syily qonaqtarǧa dastarqan jaiylyp, olarǧa äuejai qyzmetkerlerı men №24 orta mekteptıŋ oquşylary maidan änderın şyrqap, qariialardyŋ köŋılın körkem küige böledı. Şara soŋynda barlyq ardagerlerge syilyq tabys etıldı.
Azamat ESENJOL
