Memleket basşysy halyqqa arnaǧan Joldauynda elımızde būqaralyq sportty damytuǧa, onyŋ ışınde balalardyŋ sportpen ainalysuyn qoljetımdı etudı atap aitqan bolatyn. Osy oraida Balalar jyly aiasynda köptegen ıs-şara jüzege asyryldy. Astana qalasynda balalar sportyn damytu jäne qoljetımdı boluyn qamtamasyz etu üşın biyl elorda biudjetınen 5,6 milliard teŋge bölındı.
– Bügınde Astanada memlekettık tapsyrys boiynşa sporttyŋ 25 türınen 575 sport seksiiasy jūmys ıstep tūr. Jyl basynda berılgen vaucherler sany 44998 bolsa, onyŋ ışınde belsendısı – 27369 vaucher. Ötken jyly sport baǧdarlamasyna 602 mln teŋge bölınse, biyl qarqyn alyp, 1,3 mlrd teŋgege jettı. Sonymen qatar biudjettı naqtylau kezınde mäslihat deputattarynyŋ qoldauymen qosymşa qarajat bölındı. Osylaişa jergılıktı biudjetten bas-aiaǧy 5,6 mlrd teŋge qarjy bölındı, – dedı Astana qalasy Dene şynyqtyru jäne sport basqarmasy basşysynyŋ mındetın atqaruşy Erkeǧali Kärbozov mäslihat mäjılısınde.
Onyŋ aituynşa, taiauda sport seksiialaryna Ükımet rezervınen qosymşa 660 mln 201 myŋ teŋge qarjy bölındı.
Kelesı jylǧa biudjet limitı boiynşa 2 mlrd teŋge qarastyrylyp otyr. Problemalarǧa kelsek, bız joǧaryda atalǧan 575 sport seksiiasynyŋ bärın baryp qarap ülgermedık. Öitkenı bızde monitoring jürgızetın qūzyret joq. Bız atalǧan jait boiynşa Qoǧamdyq keŋespen bırlesıp jūmys ısteuge tyrystyq. Äzırge mäsele öz şeşımın tappai tūr. Sport seksiiasyna barǧan balanyŋ ata-anasy tabelge qol qoiady. Qazan aiynan bastap ArtSport platformasy bızge IP-mekenjaidy köru mümkındıgın berdı. Atalǧan mümkındık arqyly bır mezette 80-90 balanyŋ qol qoiǧanyn körıp otyrmyz. Ökınışke qarai, bızde ol aqparattyŋ ras ekenın tekseretın mümkındık joq. Degenmen jetkızuşı men balalardyŋ ata-anasynan seksiiaǧa baryp jürgenı turaly mälımettı alyp otyrmyz, – dedı E.Kärbozov.
Sondai-aq Dene şynyqtyru jäne sport basqarmasy basşysynyŋ mındetın atqaruşy baqylau men qadaǧalau mäselesın jüieleu keregın jetkızdı.
