Astanadaǧy etno-mädeni ortalyq ökılderınıŋ qatysuymen ötken jiynda Ata zaŋnyŋ negızgı ūstyndary men qaǧidattary keŋınen söz boldy. Bas qosqan 26 ūlt pen ūlys ökılderı Täuelsız Qazaqstannyŋ qūqyqtyq ırgesı qalanǧannan bastap jürgızılgen reformalardy saralady.
Elımızdıŋ alǧaşqy Konstitusiiasy 1993 jyldyŋ 28 qaŋtarynda qabyldanǧan. 1995 jyly Prezident N.Nazarbaev jaŋa Konstitusiianyŋ jobasyn äzırleu üşın saraptamalyq-konsultativtık keŋes qūru jönınde qauly şyǧardy. Qazaqstan halyqtary Assambleiasynyŋ ekınşı sessiiasynda jan-jaqty talqylaulardan keiın Konstitusiia jobasyn qoldau jönınde qarar qabyldandy. Atalmyş qararda Prezidentke Konstitusiia jobasyn jalpyhalyqtyq talqylauǧa şyǧaru ūiǧarymy jasaldy.
1995 jyldyŋ 30 mausymy men 30 şıldesı aralyǧynda Konstitusiia jobasy būqaralyq aqparat qūraldarynda jariialanyp, oǧan elımızdıŋ barlyq jūrtşylyǧy öz ūsynystary men tolyqtyrularyn jasady. Konstitusiia jobasyn talqylauǧa 3,3 mln Qazaqstan azamaty qatysqan. Talqylau barysynda azamattardan, ūjymdardan, qoǧamdyq jäne saiasi ūiymdardan, ūlttyq-mädeni ortalyqtardan 32000 ūsynys pen tolyqtyru nūsqasy kelıp tüsken. Atalmyş ūsynystar men tolyqtyrularǧa konsultativtık keŋes ǧylymi saraptama jasap, Konstitusiianyŋ tüpkılıktı nūsqasyna 1100-den asa tüzetuler men tolyqtyrular engızdı.
Jiynda söz alǧan türlı ūlt ökılderı Konstitusiia tarihyna tereŋ toqtalyp, Ata zaŋ barlyq qūjattyŋ bastauy ekendıgın baiandady.
Gülmira AIMAǦANBET
