Turizm, dene tärbiesı jäne sport basqarmasy men qalalyq Ardagerler keŋesınıŋ ūiymdastyruymen elordamyzdaǧy «Dinamo» sport keşenınde 60 jastan asqan ardager-zeinetkerler arasynda jüzuden jarys öttı.
«Būl ıs-şara salauatty ömır saltyn qalyptastyru jäne aǧa buyn ökılderın sportpen belsendı ainalysuǧa tartu maqsatynda ūiymdastyrylyp otyr. Bız būdan bölek, elordada ardagerler üiın aşu mäselesın qala äkımınıŋ qarauyna ūsyndyq. Eger ūsynysymyz äkımdık tarapynan qoldau tauyp jatsa, ardagerlerdıŋ bır ortada bas qosyp, äŋgıme-düken qūruyna mümkındık tuar edı», – deidı qalalyq Ardagerler keŋesınıŋ töraǧasy Beken Älımjanov.
Jarysqa Almaty, Saryarqa jäne Esıl audandarynan barlyǧy 54 ardager qatysty. 60-65 jäne 65-70 jas aralyǧyndaǧy erler, 58-60 jäne 60-63 jasqa deiıngı äielder ekı topqa bölınıp, jarysqa tüstı.
Saiysqa «Dinamo» sport keşenı demeuşılık jasap, töreşıler men medisina qyzmetkerlerınıŋ qyzmetın ūiymdastyrdy.
Jarys qorytyndysynda 60-65 jas aralyǧyndaǧy erler saiysynda 1-şı oryndy A.Küdebaev, 65-70 jas aralyǧynda Ş.Baiakeşov jeŋıp aldy. Äielder saiysynda bas jülde 58-60 jas aralyǧynda M.Qasymovaǧa jäne 60-63 jas aralyǧynda B.Qūsaiynovaǧa būiyrdy.
Al, jalpy komandalyq esepte 9 jüldelı oryndy ielengen Esıl audanynyŋ ardagerlerı bırınşı orynǧa şyqty.
Erbol JANAT
