Elbasy Nūrsūltan Nazarbaev pen Qazaqstan Prezidentı Qasym-Jomart Toqaev EKSPO qalaşyǧy aumaǧynda oryn tepken etnoauylǧa baryp, halyqty Nauryz merekesımen qūttyqtady.
Etnoauyldy jaǧalai on jetı kiız üi tıgıldı. Sol maŋaida teatrlandyrylǧan qoiylymdar, ūlttyq sport oiyndary, qolönerşıler körmesı ūiymdastyrylyp, salt-dästürlerımız därıpteldı. Elbasy men Prezident etnoauyldy aralap, elorda qonaqtary jäne tūrǧyndaryn, barşa qazaqstandyqtardy Nauryz merekesımen qūttyqtai otyryp, baq-bereke tıledı.
Nauryz toiynda elordada nekelerın qiǧan 9 jūp ta sol jerden tabylyp, Nūrsūltan Nazarbaevtyŋ aq batasyn aldy. Elbasy jas otbasylardy este qalarlyq maŋyzdy künderımen qūttyqtap, olarǧa baqytty, ūzaq ömır tıledı.
– Senderge baqyt tıleimın! Mahabbattaryŋ eş uaqytta sönbesın. Aldaryŋ aşyq bolsyn. Balaly-şaǧaly, übırlı-şübırlı bolyŋdar! Ata-analaryŋa quanyş äkelıŋder. Eldıŋ azamaty bolyŋdar! – dedı Nūrsūltan Nazarbaev.
Qasym-Jomart Toqaev ta halyqqa qūttyqtau joldady. «Bärımızdı quanyş pen süiıspenşılık sezımıne böleitın būl mereke – beibıtşılık pen jaqsylyqtyŋ nyşany. Onyŋ filosofiialyq mänı zor jäne bükılälemdık mädeni sipaty bar. Köne zamannan bastau alatyn osynau meiram jaŋaru men jaŋa ömırdıŋ bastalu sätın sipattaidy. Nauryz – ruhani bai mūramyzdyŋ, bıregei ūlttyq kodymyz ben üzdıksız ūrpaq sabaqtastyǧynyŋ jarqyn simvoly. Būl mereke ömırımızge jasampazdyq pen damudyŋ jaŋa lebın äkeledı. Bügınde Nauryz – ortaq şaŋyraǧymyz – Qazaqstan Respublikasyndaǧy dostyqty, özara qūrmet pen kelısımdı nyǧaituǧa septıgın tigızetın şyn mänındegı jalpyhalyqtyq meiram. Onyŋ mäŋgılık mänı – eŋ joǧary qūndylyǧymyz ben ortaq bailyǧymyzdy – halyqtyŋ yntymaǧyn bekemdeu. «Bırlık bar jerde, tırlık bar» deidı halyq danalyǧy. Äz-Nauryz är otbasyna baq-bereke äkelsın!» delıngen Prezident qūttyqtauynda.
