Jyldyŋ basynan berı 3 myŋnan astam internet-alaiaqtyq faktılerı anyqtaldy. Alaiaqtar äreketterınıŋ saldarynan azamattarǧa 4 mlrd teŋgeden astam şyǧyn keltırıldı. Būl turaly QR IIM Kriminaldyq polisiia departamentı Kiberqylmysqa qarsy küres ortalyǧynyŋ bastyǧy Jandos Süiınbai OKQ alaŋynda aitty, dep habarlaidy astana-akshamy.kz
«Biyl 1 myŋnan astam osyndai qylmys tırkeldı. Alaiaqtardyŋ qūrbany bolmau üşın sızge bırınşıden, tekserılgen jarnama saittaryn paidalanu qajet. Ekınşıden, tauardy alǧannan keiın tölem turaly kelısu qajet. Üşınşıden, tauardyŋ bar ekenıne köz jetkızu qajet, onyŋ ışınde beine qoŋyrau arqyly. Eger satuşy basqa qalada bolsa, özıŋızdıŋ tanystaryŋyz nemese tuystaryŋyzdan tauardy aludy, tekserudı sūrau qajet», – dedı spiker.
Soŋǧy uaqytta bankter, qūqyq qorǧau jäne basqa da memlekettık organ qyzmetkerlerınıŋ atynan qoŋyrau şalu jiılep kettı. Bailanys operatorlary 44 millionnan astam osyndai qoŋyraudy toqtatty. Būl turaly QR IIM Kriminaldyq polisiia departamentı Kiberqylmysqa qarsy küres ortalyǧynyŋ bastyǧy Jandos Süiınbai aitty.
«Aqşanyŋ saqtaluyn qamtamasyz etu üşın alaiaqtar azamattardy aqşany şottan nemese depozitten qauıpsız şotqa audaruǧa köndıredı, ol keiınnen ūrlanǧan aqşany odan ärı audaru nemese qolma-qol aqşaǧa ainaldyru üşın qoldanylady», – dedı vedomstvo ökılı.
