Astana qalasynyŋ kommunikasiialar qyzmetınde balalardy bırınşı synypqa qabyldau turaly Astana qalasy Bılım basqarmasynyŋ basşysy Senǧazyev Qasymhan Senǧazyūlynyŋ qatysuymen brifing öttı, dep habarlaidy astana-akshamy.kz.
Elordada 261 000 oquşyny qamtityn 175 orta bılım beru ūiymy bar. Onyŋ ışınde 102 memlekettık, 66 jekemenşık, 7 respublikalyq mektep. 1 säuırden bastap jalpy orta bılım beretın mektepterge bırınşı synypqa qūjattardy qabyldau bastalady. Ötken oqu jylynda bırınşı synypqa qala boiynşa 28 myŋnan astam bala qabyldanǧan. Biylǧy oqu jylyna bırınşı synypqa boljammen otyz myŋnan astam bala keledı dep kütılude.
Qazaqstan Respublikasy Bılım jäne ǧylym ministrınıŋ 2018 jylǧy 12 qazandaǧy № 564 būiryǧyna engızılgen özgerısterge säikes (2024 jyly 30 qaŋtar) jalpy orta bılım beretın mektepterge bırınşı synypqa qūjattardy qabyldau 1 säuırden bastap 31 tamyzǧa deiın jürgızıledı.
Bılım beru ūiymdary daiyndyq deŋgeiıne qaramastan, qyzmet körsetetın aumaqta tūratyn alty jastaǧy jäne küntızbelık jylda alty jasqa tolatyn balalardy bırınşı synypqa qabyldaudy qamtamasyz etedı. Mamandandyrylǧan mektepterden basqa barlyq mektepter bırınşı synypqa baratyn balalardy eşqandai emtihansyz qabyldaidy. Är mektepte ata-analarǧa kömek körsetu maqsatynda bırınşı synypqa qabyldau boiynşa komissiia qūrylǧan. Ata-analar qūjattardy «elektrondyq ükımet» www.egov.kz, veb-portaly arqyly tapsyrady jäne mektepke baryp qaǧaz türınde de tapsyra alady.
Bırınşı synypqa balalardy ornalastyrǧan kezde mektepterge tapsyrylatyn qūjattardyŋ tızımı: ata-anadan nemese zaŋdy ökılınen ötınış, «Profilaktikalyq ekpeler kartasy» (№ 065/u) jäne «Bala densaulyǧynyŋ pasporty» turaly (№ 052-2/u) medisinalyq anyqtamalar, balanyŋ 3h4 sm ölşemındegı sifrlyq fotosureti. Sonymen qatar qaǧaz türınde qūjat tapsyrǧan kezde qosymşa ata-anasyn nemese zaŋdy ökılı ekendıgın rastaityn jeke kuälıgınıŋ köşırmesı ūsynylady. Qūjattar är aptanyŋ düisenbı jäne jūma künderı aralyǧynda qabyldanady. Bılım beru ūiymy ata-anadan tızbede körsetılmegen qūjattardy talap etuge qūqyǧy joq. Mamandandyrylǧan bılım beru ūiymdaryna konkurs negızınde qabyldandady. Ümıtkerlerden qūjatty qabyldau Ülgılık erejege säikes küntızbelık jyldyŋ 1 aqpanynan bastap 15 säuır aralyǧynda jürgızılude. Bılım beru ūiymdaryna bekıtılgen şaǧyn uchaskeler turaly aqparat qalanyŋ är audany boiynşa Bılım basqarmasynyŋ saitynda ornalastyrylǧan. Bılım basqarmasynyŋ qasynan bılım beru ūiymdaryna qabyldau jūmystaryn üilestıru boiynşa ştab qūrylǧan. Ştabtyŋ nömırı 556870, 556881, 556887, 557462.
