Astana qalasy boiynşa sybailas jemqorlyqqa qarsy qyzmet departamentınıŋ bastamasymen Esıl audany äkımınıŋ apparatynda departamenttıŋ bırınşı orynbasary Iliias Bazilovtyŋ töraǧalyǧymen şaǧyn jäne orta biznes ökılderımen kezdesu öttı.
Kezdesudegı negızgı kün tärtıbınde «Bizneske jol» respublikalyq jobasy talqylandy. Būl jobanyŋ maqsaty – käsıpkerlerge ärtürlı äkımşılık kedergılerdı jeŋuge kömek körsetu, qūjattardy resımdeu kezınde biurokratiialyq prosesterdı azaitu, sondai-aq memlekettık qyzmetter körsetu merzımderınıŋ saqtaluyn qamtamasyz etu.
«Būl joba käsıpkerlerdıŋ jer uchaskelerıne rūqsat beru qūjattaryn resımdeu jäne alu, kommunikasiialardy jürgızu jäne qosu, sondai-aq memlekettık qoldaudyŋ ärtürlı şaralaryn – järdemaqşalar, nesieler jäne taǧy basqalaryn alu kezınde kezdesetın naqty problemalardy şeşuge baǧyttalǧan» dedı kezdesude Iliias Bazilov.
Kezdesude qazırgı uaqytta öŋırlerde biznes-ötınımderdı qabyldau üşın arnaiy alaŋdar men bailanys arnalary jūmys ısteitını aityldy. Äleumettık jelıler belsendı qoldanylady – aimaqtyq filialdardyŋ basşylary Facebook-tegı biznes ökılderımen tıkelei kerı bailanysty qoldaidy. Sonymen qatar, käsıpkerlerdıŋ sūraqtary men şaǧymdary Antikor koll-ortalyǧynda 1424 nömırı boiynşa qabyldanady. Kezdesu soŋynda käsıpkerler öz sūraqtaryn qoiyp, «Bizneske jol» jobasy boiynşa ūsynysyn aitty.
