DINİ SAUATTYLYQTY DITTEIDI
Astana qalasy äkımdıgınde «Qazaqstandaǧy dıni ahual: azamattardyŋ dıni tanymyn arttyru mäselesındegı aqparattyq-aǧartu jūmystarynyŋ rölı» taqyrybynda döŋgelek üstel otyrysy öttı. Jiynǧa elordadaǧy dästürlı dınder jetekşılerı men ökılderı jäne dıntanuşylar qatysty.
Basqosudy aşyp, jürgızgen Astana qalasy Dın ısterı basqarmasynyŋ basşysy Jorabek Däurenov bügıngı dıni ahual jönınde äŋgımeledı. «Bız qaladaǧy eŋbek ūjymdarymen, jūmyssyz jastarmen, qalaǧa jaqyn eldı mekenderdegı tūrǧyndarmen kezdesıp, dästürlı, tarihi qalyptasqan dındı nasihattauymyz qajet. Elımızdıŋ zaiyrly ekenın jetkızuge mındettımız. Barlyq atqarǧan şaralarymyz osy maqsatqa baǧyttalsyn» dedı basqarma basşysy.
Qazaqstan mūsylmandary dıni basqarmasynyŋ Astana qalasyndaǧy ökılı, «Nūr-Astana» meşıtınıŋ bas imamy Nauryzbai Ötpenov ötken jyly basqarma tarapynan aqparattyq nasihat toptary qūrylyp, halyqpen kezdeskenın, būl jūmys nätijelı aiaqtalǧanyn äŋgımeledı. «Alla būiyrtsa, biyl da osy şaruany jalǧastyru josparda bar» dedı ol. Nauryzbai qajynyŋ aituynşa, bas müfti Erjan Malǧajyūly biylǧy jyldy «Dın jäne dästür» jyly dep jariialady. Būl zaiyrly Qazaqstandaǧy dıni ahualdy rettep, ūlttar men konfessiialar arasyndaǧy bırlıktı nyǧaituǧa septıgın tigızbek.
Döŋgelek üstel otyrysynda Uspen kafedraldy şırkeuınıŋ arhimandritı Sergei Karamyşev, L.Gumilev atyndaǧy Euraziia ūlttyq universitetı dıntanu kafedrasynyŋ meŋgeruşısı Äşırbek Momynov söz söiledı.
Jiyn barysynda Astana qalasynda konfessiiaaralyq kelısımdı nyǧaitu, dın salasynda aqparattyq-aǧartu jūmystaryn jürgızude özara yntymaqtastyq jönındegı üş jaqty memorandumǧa qol qoiyldy. Būl qūjat aiasynda «Dıni qyzmet jäne dıni bırlestıkter turaly» zaŋnyŋ negızgı qaǧidalary tüsındırılıp, konfessiiaaralyq kelısımdı nasihattau jūmystaryn bırlese ūiymdastyru qolǧa alynady. Elorda tūrǧyndary arasynda dıni tözbeuşılık pen ekstremizmnıŋ aldyn alu men boldyrmau basty nazarda bolady.
Aita keterlıgı, bügınde qalada 14 konfessiiany qūraityn 47 dıni bırlestık, 7 meşıt, 4 katolik jäne 28 protestanttyq baǧyttaǧy dıni bırlestık bar.
Ashat RAIQŪL