Bügıngı Qazaqstan – ekonomikasy örkendegen kemel el. Alaida, ol däl osy küiınde älem nazaryna ılıgıp, dūşpan küiınıp, dos süiınetındei jaǧdaiǧa bırden jete qoiǧan joq. Onyŋ jan-jaqty qaryştap qarqyn alyp, örlep, kemeldenuınde halqyn jasampaz ısterge bastai bılgen tu ūstaǧan qairatker tūlǧanyŋ köregen de sarabdal saiasaty jatyr.
Nūrsūltan Nazarbaev 1989 jyly Qazaqstan Kompartiiasy Ortalyq Komitetınıŋ bırınşı hatşylyǧyna kelgende eldıŋ jaǧdaiy qandai edı? Syrtqa şikızat beruden jüdep-jadaǧan ekonomika men jalǧan uädeden jalyǧyp, erteŋı ne bolaryn boljap bılmeitın būqaranyŋ bolaşaqqa senımderı tıptı älsız-tūǧyn. Ol osy küizele bastaǧan halyqtyŋ keudesıne «äuelı – ekonomika, sosyn saiasat» dep ümıt otyn jaqty. Memlekettıŋ tızgının tarihtyŋ almaǧaiyp, synaqty kezeŋınde qolyna ala tūryp, tyǧyryqtan damudyŋ daŋǧylyna bastaityn tyŋ jolmen türen tartty.
Endı, mıne, jıgıt jasy – jiyrma bes jylǧa tatityn az ǧana uaqyttyŋ ışınde elımız keŋestık komandalyq jüieden naryqtyq ekonomikaǧa bırjola köşıp, özgelerge mülde ūqsamaityn baǧyt ūstady. Sol kezdıŋ özınde-aq Qazaqstan Prezidentı Täuelsız memleketter dostastyǧy elderındegı eŋ körnektı saiasi jetekşılerdıŋ bırı ekendıgı moiyndala bastady.
«Bız kezınde özımız taŋdaǧan jolmen, damudyŋ qazaqstandyq jolymen jürdık. Älemdık täjıribenı zerttep, taldai otyryp, evoliusiialyq joldy taŋdadyq. Bız demokratiiany qarqyndy engızuge qarsymyz. Bız eşkımdı köşıruge tyryspaimyz. Elımızge jäne öz halqymyzǧa qajet jūmystardy tyndyramyz. Būl bızdıŋ qolymyzdan keledı» degen sözınde tūrdy Elbasy.
Ortalyq Aziiaǧa tartylǧan investisiialardyŋ seksen paiyzy bızdıŋ eldıŋ ülesıne tidı. Būǧan qosa taǧy bır strategiialyq boljampazdyq 1997 jyldyŋ qazan aiynda Qazaqstannyŋ öz damuynyŋ 2030 jyldarǧa deiıngı ūzaq merzımdık strategiiasyn qabyldauy edı. Bızder söitıp, keşegı Keŋestık elderdıŋ arasynda bırınşı bolyp, älemdık täjıribede moiyndalǧan, memlekettık basqaru men üilestırudıŋ dara josparyn jasadyq.
Bızdıŋ Prezident ekonomikanyŋ tūraqty damuyn, äsırese, jeke käsıpkerlıktıŋ qamtamasyz etetının äu basta-aq bıldı. Sondyqtan, özın-özı jūmyspen qamtityndarǧa jūmys ısteuge qolaily jaǧdai jasau qajettıgıne män berıldı. Bizneske körsetılgen jan-jaqty qoldaudyŋ arqasynda eldegı şaǧyn jäne orta biznestıŋ örısı keŋıdı.
Al, ötken jyly «Qazaqstan – 2050» strategiiasy» qabyldanyp, qalyptasqan memlekettıŋ jaŋa saiasi baǧyty belgılendı.
Memlekettıŋ qoǧamdyq-saiasi ahualynyŋ tūraqtylyǧyn qalyptastyruda būryn-soŋdy bolmaǧan jetıstıkke jettık.
Prezidenttıŋ el täuelsızdıgınen keiıngı eŋ bır batyl şeşımı – astanany Arqa tösıne köşıruı. Erke Esıldıŋ jaǧasyna qonys audarǧan elordaǧa baq pen däulet tılegen Elbasy: «Būl bolaşaǧymyzǧa kerek, qyzyǧyn keler ūrpaqtar köredı» degen edı. Mıne, osy aq joltai arman jüzege asa bastady. Astananyŋ on alty jyldyǧyn toilaǧaly otyrmyz.
Kezınde belgılı pubisist-jazuşy Sarybas Aqtaev Qazaqstan Prezidentınıŋ halqy üşın, elı üşın jasaǧan ūşan-teŋız eŋbegın saraptai kelıp: «halqym, Elbasy – bıreu, bız oǧan tıreu bolaiyq!» degen edı.
Osy sözdıŋ mänın bügıngı jastar da tereŋ ūǧyna bılıp, ırgesın Memleket basşysynyŋ özı qalaǧan Astananyŋ dıŋgegı myqty, märtebesı biık bolǧai deimız!
Taŋatar Töleuǧaliev
