Bahila satyp ala beretındei bai deisızder me?
Densaulyq saqtau mekemelerınıŋ bahila üşın 20 teŋge aqy alatyny zaŋdy ma? Mysaly, Äliia Moldaǧūlova 28A meken-jaiyndaǧy №1 emhanaǧa qarasty äielderge medisinalyq keŋes beru ortalyǧynda, Respublika daŋǧylyndaǧy terı-soz aurularynyŋ dispanserınde osylai. Al Qan ortalyǧynda tegın taratylady. Mūnysy qalai? Bahila satyp ala beretındei bai deisızder me? Jalpy, būǧan qandai qūjattyŋ negızınde rūqsat etılıp otyr? Mekemenıŋ ışkı būiryǧy nemese Densaulyq saqtau basqarmasynyŋ būiryǧy bar ma?
Darina Aisakova
Ötınış 11 şıldede tüsıp, 13 künde jauap berıldı
Qūzyrettı mekeme ne deidı?
Densaulyq saqtau basqarmasy:
Medisina qyzmetkerlerınıŋ bahila kiiu mäselesı QR Ükımetınıŋ 2012 jylǧy 17 qaŋtardaǧy «Densaulyq saqtau mekemelerınıŋ sanitarlyq-epidemiologiialyq talaptaryn bekıtu turaly» №87 qaulysymen anyqtalǧan. Densaulyq saqtau basqarmasyna qarasty mekemelerge keluşılerden mındettı türde bahila satyp alsyn dep talap etpeimız. Bıraq stasionarǧa barǧanda, tazalyq üşın ekınşı aiaq kiım aluyŋyz kerek. Emdeu mekemelerı bahila satpaidy. Ony satumen Qarjy basqarmasymen jaldau kelısım-şartyn jasasqan käsıpkerler ainalysady.
Köşemızge «kölık juǧyştar» köz salyp jür
Bızder Oŋtüstık-Şyǧys audanyndaǧy Mūqan Tölebaev jäne Jankent köşelerınıŋ qiylysqan jerınde 10 jyldan berı tūramyz. Tört jyl būryn Almaty jaqtan bır azamat kelıp, köşemızdıŋ ortasynan kölık juu keşenın salamyn dep bıraz talaptanǧan. Jer basqarmasynan adamdar äkelıp ölşetıp, qada qaǧyp qorşap tastady. Artynan äkımdık qūrylysty doǧaryp tastady. Biyl 3 mamyrda taǧy bıreu kelıp, «Jankent köşesındegı №3, 4, 6 üilerdıŋ qaq ortasynan kölık juatyn oryn salamyn. Qolymda memlekettık aktım bar» dep kettı. Bızder esıgımızdıŋ aldyn qūrylys alaŋyna ainaldyruǧa qarsymyz. Köşe tarylyp qalsa, qalai jürıp-tūramyz?
Arhat Esqaliev
Ötınış 28 mamyrda tüsıp, 20 künde jauap berıldı
Qūzyrettı mekeme ne deidı?
Säulet jäne qūrylys basqarmasy:
Atalǧan jerge qūrylys saluǧa rūqsat etılmegen.
Balamnyŋ saulyǧy tuǧaly berı tekserılmedı
Aqpan aiynda kışkentaily bolyp edım. Özımız Astana qalasynan 20 şaqyrym jerdegı auylda tūramyz. Al säbiımnıŋ tırkeuı Saryarqa audany, Saryqūm köşesınde. Äuezov köşesı boiyndaǧy qalalyq balalar emhanasyna baryp qaraluǧa ötınıp edık, ol üşın qalada tūraqty tūrǧylyqty meken-jailaryŋ boluy kerek dep qaitaryp jıberdı. Al, auyldaǧy emhana Aqmola oblysyna qaraidy. Ondaǧy därıgerler eşteŋe bılmeidı. Jai ǧana tırkei saldy. Balamnyŋ saulyǧy tuǧaly berı tekserılmedı, qajettı vaksinalary egılgen joq.
Qanaǧat Nūrbol
Ötınış 24 mausymda tüsıp, 2 künde jauap berıldı
Qūzyrettı mekeme ne deidı?
Densaulyq saqtau basqarmasy:
Qazaqstan Respublikasy Ükımetınıŋ 2011 jylǧy 1 qaraşadaǧy №1263 qaulysyna säikes, azamattardyŋ emhanaǧa tırkeluı tūraqty nemese uaqytşa tūrǧylyqty meken-jaiy, jūmys, oqu orny boiynşa ötınış beru arqyly jeke basyn kuälandyratyn qūjattyŋ (jeke kuälıgı, tuu turaly kuälıgı jäne t.b.) negızınde jüzege asyrylady. Balaŋyzdy naqty tūryp jatqan meken-jaiyŋyz boiynşa aumaqtyq balalar emhanasyna tırkep, tegın medisinalyq kömek aluyŋyzǧa bolady. Balaŋyzǧa körsetıletın kepıldendırılgen tegın medisinalyq qyzmetke qatysty barlyq sūraqtar boiynşa Aqmola oblysy, Selinograd audandyq emhanasy bas därıgerınıŋ emdeu ısı jönındegı orynbasary Äsemgül Jylqybaevaǧa nemese audandyq pediatr Anna Iаnkovaǧa habarlasa alasyz. (tel: 87165131303)
Mirzoian-Manatau – smetadan ketken bır aqau
2012 jyldan berı Jolauşylar kölıgı jäne avtomobil joldary basqarmasynyŋ tapsyrysymen «Qaraötkel» audanynyŋ B.Momyşūly – L.Mirzoian – B.Mailin – M.Jūmabaev aralyǧyndaǧy köşelerı men gülzarlary abattandyrylyp jatyr. Bıraq Mirzoian men Manatau qiylysy odan tys qaldy. Jöndeuşıler däl osy bölık jobaǧa qosylmaǧan dep äkımdıkke sılteidı. Anadan-mynadan sūrai kele ūqqanym – bızdıŋ köşe şyǧyn smetasyna qatelesu saldarynan enbei alǧan. Endı jöndele qoiuy ekıtalai. Būl mäsele tek Jolauşylar kölıgı jäne avtomobil joldary basqarmasynyŋ bastyǧy R.Amanjolovtyŋ aralasuymen şeşıledı eken.
Qarjaubai Nūrmaǧambetov
Ötınış 29 mamyrda tüsıp, 15 künde jauap berıldı.
Qūzyrettı mekeme ne deidı?
Jolauşylar kölıgı jäne avtomobil joldary basqarmasy :
Biyl qalamyzdyŋ bırneşe köşelerınde jol jöndeu jūmystary jürgızılıp jatyr. Işkı oramdardaǧy joldardy asfalttauǧa aqşa bölıngen jaǧdaida Manatau köşesın jöndeuge jyldyŋ ekınşı jartysynda kırısemız.
Meken-jaiymyzǧa jaqyn mektepke barǧymyz keledı
Qyzym №22 orta mektepten bırınşı synypty bıtırdı. Qazır jaŋa jerge qonys auystyrdyq. Endı meken-jaiymyzǧa jaqyn mektepke barǧymyz keledı. Qyzymdy ekınşı synyptan bastap №1mektep-liseige beruıme bola ma?
Iýliia
Ötınış 23 mausymda tüsıp, 3 künde jauap berıldı
Qūzyrettı mekeme ne deidı?
Bılım beru basqarmasy:
QR Ükımetınıŋ 2012 jylǧy 19 aqpandaǧy №127 qaulysymen bekıtılgen «Bılım beru mekemelerıne qabyldau erejesı» boiynşa töŋırekte, iaǧni sol mekteptıŋ mikroaudanynda tūratyn oquşylardy qabyldauy tiıs. Eger meken-jaiyŋyz №1 mektep-liseige qaraityn bolsa, balaŋyzdy oquǧa ornalastyra alasyz.
Ädılbek JAPAQ
