Nazarbaev Ortalyǧynyŋ bastamasymen jyl boiy elımızdıŋ tükpır-tükpırınde ötkızılgen «Elımnıŋ taǧdyry – menıŋ taǧdyrym!» atty respublikalyq forumnyŋ qorytyndysy şyǧaryldy.
Forum Semei qalasyndaǧy «Ölımnen de küştı» monumentıne gül şoqtaryn qoiudan bastaldy. Būdan keiın jinalǧan jūrt Nevzorovtar atyndaǧy Şyǧys Qazaqstan oblystyq beineleu önerı mūrajaiy men Abai qoryq-mūrajaiyn aralady.
Nazarbaev Ortalyǧynyŋ resmi ökılı Oksana Loskutova: «Qoǧamnyŋ qozǧauşy küşıne ainalǧan forum būqaradan qoldau tapty. Endı ol elımızdıŋ barlyq aimaǧynda jyl saiyn ötkızıletın bolady. Biylǧy forum aqpan aiynda Aqmola oblysynan bastau aldy. Sodan berı qalalyq, audandyq, oblystyq deŋgeide 206 forum ūiymdastyrylyp, oǧan 70 myŋǧa juyq adam qatysqan. Osy jiynnyŋ jalauy Astana, Almaty qalalarynda da jelbıredı. Barlyq forumda körnektı qoǧam qairatkerlerı men memlekettık organdardyŋ ökılderı, etnomädeni bırlestıkterdıŋ qyzmetkerlerı men ǧylymi, şyǧarmaşylyq qauym, soǧys jäne eŋbek ardagerlerı, internasionalist-jauyngerler, tanymal sportşylar, sondai-aq, jastar ūiymdarynyŋ köşbasşylary spiker atanyp, söz söiledı. Olar Qazaqstannyŋ taŋǧalarlyq jetıstıkterınıŋ barlyǧynda tūtas halyqtyŋ, onyŋ ışınde ärbır qazaqstandyqtyŋ eren eŋbegı men orasan zor ülesı bar ekenın aitty» dedı.
«Spartak» stadionynda ötken forumǧa 10 myŋǧa juyq adam qatysty. Eŋ äuelı olarǧa Nazarbaev Ortalyǧy äzırlegen «Elımnıŋ taǧdyry – menıŋ taǧdyrym!» atty derektı film körsetıldı. Osydan soŋ Şyǧys Qazaqstan oblysynyŋ äkımı Berdıbek Saparbaev forumnyŋ qatysuşylaryna Memleket basşysy Nūrsūltan Nazarbaevtyŋ qūttyqtau hatyn oqyp berdı.
Forumǧa Facebook äleumettık jelısınde dauys beru ūiymdastyrylǧan. Är oblystan qatysqan ümıtkerlerdıŋ ışınen 3 atalym boiynşa jeŋımpazdar anyqtaldy. Nätijesınde «Öz ısıne adaldyǧy men tälımgerlıgı üşın» atalymyna Qaraǧandy oblysynyŋ ökılı Evgenii Ermolaev laiyq dep tanyldy. Batys Qazaqstan oblysynyŋ ükılı ümıtı Dariǧa Mındeeva «Ömırdı qūtqarudaǧy erlıgı üşın» atalymymen marapattaldy. Al «Belsendı azamattyq ūstanymy üşın» degen atalymda Qaraǧandy oblysynyŋ tūrǧyny Gülnar Qūrbanbaevanyŋ jūldyzy jandy.
Erkejan SÄTIMBEK
