Qalalyq mäslihattyŋ tūraqty komissiialarynyŋ bırlesken otyrysynda qorşaǧan ortany qorǧau jäne ekologiialyq qauıpsızdık mäselelerı talqylandy.
Qorşaǧan ortany qorǧau – qazırgı kezdegı ötkır mäselelerdıŋ bırı. Jyl ötken saiyn elordanyŋ ekologiialyq ahualy tömendep, atmosferaǧa şyǧarylatyn qaldyqtardyŋ kölemı artyp otyrǧanyn tılge tiek etken Astana qalasy Tabiǧi resurstar men tabiǧat paidalanudy retteu basqarmasy basşysynyŋ mındetın atqaruşy Ädılbek Särsembaev onyŋ bırneşe sebebın atap öttı. Solardyŋ bırı –Astana köşelerınde avtokölıkter sanynyŋ ösuı. Sonymen bırge öndiris oryndarynan şyqqan qaldyqtar, tūrǧyn üi jäne basqa da ǧimarattardy jylytuda qatty otyn – kömırdı paidalanu da auany lastaityny belgılı.
Atmosferaǧa şyǧarylatyn osyndai ziiandy qaldyqtardy azaitu üşın aldaǧy uaqytta keibır qazandyqtar gazdy paidalanuǧa köşırılmekşı. Būl rette elorda maŋyna aǧaş-taldardy köptep otyrǧyzudyŋ, sondai-aq qorşaǧan ortanyŋ jaǧdaiyn tekserıp otyratyn stansalyq beketter sanyn köbeitudıŋ de maŋyzy zor. Osy jönınde baiandai kele, elordalyq ekologiia departamentı basşysynyŋ mındetın atqaruşy Abzal Egemberdiev tūrǧyndardyŋ tūrmystyq qaldyqtardy tiıstı ornyna tastamai, qalai bolsa
solai laqtyra salatynyn, keibır avtokölık juatyn oryndarda sanitariialyq talaptardyŋ öreskel būzyluyna jol berılıp jatqanyn jetkızdı.
Jyl basynan berı bas qalada 1,8 million jaryq bergış lampa jinalyp, zararsyzdandyrylsa, olar üşın 297 konteiner qoiylǧan.
Talqylanǧan mäselege orai deputattar S.Bogatyrev, M.Şekenov, T.Orazaqov jäne taǧy basqalar pıkır bıldırıp, Astananyŋ auasyn lastamau üşın jolauşylardyŋ qoǧamdyq kölıkterdı köbırek paidalanuyn, qalada gazdyŋ jetkılıksızdıgın jäne parking mäselesın alǧa tartty. Otyrysty qorytyndylai kele, qalalyq mäslihattyŋ hatşysy Sansyzbai Esılov elorda ekologiiasyna jauapty mekemelerdı bırlesıp jūmys ısteuge şaqyrdy.
Gülbarşyn ÖKEŞQYZY
