Keşe elorda äkımı Ädılbek Jaqsybekov kezektı apparat otyrysyn ötkızdı dep habarlaidy äkımdıktıŋ baspasöz qyzmetı.
Qala äkımı aldymen memlekettık qyzmettıŋ damuyna sübelı üles qosqan qyzmetkerlerge «Üzdık memlekettık qyzmetşı» tösbelgılerın tabystady.
– Memlekettık qyzmetşı bolu – ülken abyroi. Sızder elge, halyqqa qyzmet etıp kelesızder. Sondyqtan, qai ıste de käsıbi bılıktılık tanytyp, memleket igılıgı üşın adal eŋbek etu qajet. Halyqqa qyzmet etudı nasihattau, memlekettık qyzmettıŋ bedelın arttyru da – sızderdıŋ qoldaryŋyzda. Osy joldaǧy eŋbekterıŋızge sättılık tıleimın, – dedı äkım.
Memleket basşysy bekıtken «Üzdık memlekettık qyzmetşı» tösbelgısımen Esıl audanynyŋ äkımı Säbila Mūstafina, qala äkımınıŋ keŋesşısı Mihail Chirkov, ekonomika jäne biudjettı josparlau basqarmasynyŋ basşysy Janat Nūrpeiısov, äkımnıŋ kömekşısı Ümbetbai Maǧzūmov, jer qatynastary basqarmasy basşysynyŋ orynbasary Nazymbek Kenjebaev, qala äkımı apparaty memlekettık-qūqyqtyq bölımınıŋ basşysy Qairat Köpbaev marapattaldy.
Būdan keiın jiyn kün tärtıbındegı mäselelerge oiysyp, Ädılbek Ryskeldıūly qala damuyndaǧy basty basymdyqtarǧa toqtaldy. Aldymen «EKSPO-2017» körmesın ūiymdastyru men ötkızu mäselesı qozǧalyp, äkım ondaǧy qolǧa alynǧan şarualardy pysyqtady. Qala äkımınıŋ aituynşa, üş aiǧa jalǧasatyn körme aumaǧynda üş myŋnan astam mädeni-demalys şarasy ūiymdastyrylmaq. Olardyŋ ärqaisysy halyqaralyq talapqa sai boluy şart. Jahandyq şara kezınde elordaǧa keletın turister men qala tūrǧyndarynyŋ demalysyn türlendıru de – basty mäsele. Köŋıldı sergıtu üşın kelgen jūrtşylyq Astanadan şyn mänısınde tynyǧyp qaituy kerek. Sondyqtan, elordanyŋ barlyq aumaǧynda ruhani-mädeni
ıs-şaralar ötkızıluı tiıs.
– Qazırgı kezde elordalyq saiabaqtarǧa keluşıler sanyn köbeituımız kerek. Saiabaqtar tūrǧyndardyŋ saialaityn ǧana emes, jaqsy tynyǧyp ketetın mekenıne de ainalǧany abzal. Osy maqsatta qalalyq saiabaqtyŋ infraqūrylymyn damytuǧa den qoiuymyz qajet, – dep atap öttı qala basşysy.
Ä.Jaqsybekovtıŋ aituynşa, halyqaralyq mamandandyrylǧan körme – elımızdı älemge tanytatyn salmaqty şara. Oǧan qazaqstandyqtar da belsene atsalysu üşın özge öŋırlermen yntymaqtasa jūmys ısteudıŋ maŋyzy ülken. Būl mäselenı şeşudıŋ bır joly retınde äkım
EKSPO aumaǧyna mektep oquşylary men studentterge ekskursiia ötkızu kerektıgın alǧa tartty. Äkımnıŋ pıkırınşe, EKSPO alaŋy ǧana emes, elordanyŋ kez kelgen körnektı oryndary özge öŋırlerge keŋınen nasihattaluy kerek. Būl şarualarǧa qalalyq qūrylymdar belsene üles qosuy tiıs. Ä.Jaqsybekov elımızdı dünie jüzıne tanytatyn aituly şaradan astanalyqtardy da tysqary qalmauǧa şaqyrdy.
