Elordada qant qymbattap, oramjapyraq arzandady

«Astana aqşamy» gazetı elorda bazarlary men dükenderındegı azyq-tülık baǧasyna monitoring jasaudy jalǧastyruda. Sondai-aq, bız halyq köp tūtynatyn önımderdıŋ jyl basynan berı qanşa teŋgege arzandaǧanyn ia qymbattaǧanyn da anyqtauǧa tyrystyq.

Baiqaǧanymyz, qalanyŋ är tükpırınde satylatyn tauarlar baǧasyndaǧy aiyrmaşylyq kä­dımgıdei ülken eken. Mäselen, bırınşı sortty «Sesna» ūnynyŋ kelısı – «Ramstor» supermarketınde 184 teŋge. «Aprel», «Small», «5 minut», «Astyqjan» düken­derındegı baǧa da osy şamalas, iaǧni, 170-199 teŋge aralyǧynda. Mūny qymbatsynsaŋyz, «An­varǧa» bas sūqsaŋyz bolady. Onda «Sesna» ūnyn 145 teŋgege satyp ala alasyz. Al «Şapaǧat» bazaryna barsaŋyz, mülde arzanǧa – nebärı 97 teŋgege tabasyz.
Osyǧan ūqsas jaǧdai kürış saudasyna da tiesılı. Atyşuly «Aqmarjannyŋ» kelısın 403 teŋgege «Ramstordan» nemese 199 teŋgege «5 minut» dükenınen aluyŋyzǧa bolady. «Sūltan» makaron önım­derınıŋ baǧasy da bırkelkı emes. Onyŋ kelısı «Ramstorda» – 292 teŋgege, «Anvarda» – 390 teŋgege, «5 minutta» – 410 teŋgege, «Sto­lichnyi rynok» pen «Älem» bazarlarynda – 400 teŋgege, «Şa­paǧatta» – 155 teŋgege, «Astyq­janda» 80 teŋgege baǧa­lanyp tūr. Körıp otyr­ǧandary­ŋyzdai, aiyrmaşylyq 5 eseden de köp.
Qant baǧasy da äzırge tūraqty. Dälırek aitsaq, «Ramstorda» – 290 teŋge, «Small» dükenınde – 275 teŋge, «Anvarda» – 280 teŋge, «5 minutta» – 284 teŋge, «Astyq­janda» – 299 teŋge, «Şapaǧatta» – 280 teŋge.Ökınışke qarai, kökönıs önımderı turaly da osyndai qorytyndy şyǧara almaimyz. Öitkenı, qara bazardaǧyǧa qaraǧanda düken sörelerınde saty­latyn kökönıstıŋ baǧasy äldeqaida joǧary ekenı dausyz. Mysaly, oramjapyraqtyŋ kelısı «Small» dükenınde 165 teŋge bolsa, «Şapaǧatta» – 65 teŋge. Sol syqyldy piiaz «Ramstorda» – 135 teŋge, «Anvarda» – 97 teŋge, «Şapaǧatta» – 75 teŋge. Bıraq kartoptyŋ baǧasy olardyŋ janynda jaqsy eken. Ony «Anvarda» – 75 teŋgege, «5 minutta» – 80 teŋgege, «Şapaǧatta» 65 teŋgege satyp aluǧa bolady.
Monitoring nätijesınde jyl basynan berı qai önımnıŋ baǧasy qanşalyqty özgergenın tek­seruge mümkındık tudy. Taldau qorytyndysynda 8 aidyŋ ışınde ūntaq jarmasy – 37,9 paiyzǧa, sūly jarmasy – 45,3 paiyzǧa, nan – 24,8 paiyzǧa, piiaz – 25 paiyzǧa, säbız – 35,7 paiyzǧa, qant – 38,6 paiyzǧa, şai – 38,3 paiyzǧa qymbattaǧany, al oramjapyraq 12,5 paiyzǧa arzandaǧany belgılı boldy.

Botagöz MARATQYZY