ELTAŊBAǦA ÖZGERIS ENGIZILEDI
Būrnaǧy künı Astana qalasy äkımdıgı janyndaǧy Memlekettık rämızder jönındegı komissiianyŋ keŋeitılgen otyrysy öttı. Qala äkımınıŋ orynbasary Aida Balaeva töraǧalyq etken jiynda Memlekettık Eltaŋbany paidalanudyŋ standartyn saqtau mäselesı talqylandy.
Basqosudy aşyp, jürgızıp otyrǧan A.Ǧalymqyzy būl mäselenıŋ būǧan deiın de bırneşe märte köterılgenın aitty. «Memlekettık rämızderdı basyp şyǧaratyn lisenziiasy bar mekemeler ūlt nyşandarynyŋ bastapqy nūsqasynyŋ būzyluyna jol bergen. Osynyŋ saldarynan elımızde Tudyŋ, Eltaŋbanyŋ bastapqy standarttan auytqyǧan nūsqalary paida boldy. Sondyqtan atalǧan mäsele joǧary qūzyrly organdar tarapynan qaralyp, tüsındırılıp, jaŋa standart bekıtıldı» dedı komissiia töraiymy. Aida Balaevanyŋ aituynşa, Memlekettık Eltaŋbany paidalanudyŋ jaŋa standarttary 2015 jyldyŋ
1 şıldesı men 2017 jyldyŋ 1 şıldesı aralyǧynda küşıne enedı. Osy uaqyt aralyǧynda öndıruşıler öz önımderın özgertıp, barlyq mekemeler Eltaŋbany paidalanudyŋ jaŋa standarttaryna köşuge tiıs.
Otyrys barysynda Qazaqstan standarttau instituty direktorynyŋ orynbasary Nūrtas Öteşev söz söiledı. «Uaqyt öte kez kelgen memlekettık taŋbanyŋ özgerıp, eskıruı – zaŋdylyq. Eltaŋba da sondai. Būl standarttardy engızu jūmysy 2010 jyly qolǧa alynǧan bolatyn. Nätijesınde, negızgı alty özgerıs engızıldı. Olar Eltaŋbanyŋ türı, tüsı, pışınıne bailanysty. Sondai-aq, üş jyl kepıldık merzımı de bekıtıldı» dedı ol.
Jiynda Memlekettık Eltaŋbanyŋ avtory Jandarbek Mälıbekov öz qolynan şyqqan rämızdıŋ qūndylyqtaryn äŋgımeledı. «Eltaŋbada jetpıs ekı uyq bar. Onyŋ bıreuı kem bolsa, standartty saqtamaǧan bolyp esepteledı. Müiızderdıŋ jetı saqinasy bar. Būl är ūrpaqtyŋ jetı atasyn bılu dästürıne saiady. Keregelerdıŋ de ornalasu täsılderı bar. Ol qazaqtyŋ ūǧymynda ülken mänge ie. Onyŋ bosaǧasy bar, bosaǧasynda tūrǧan qiyqtary bar, qoşqar müiızder bar. Solardyŋ barlyǧy Eltaŋbamyzdyŋ quatty jäne qasiettı ekendıgın bıldıretın belgıler» dedı säuletşı.
Eltaŋba qazaq halqyna jiyrma jyldan berı qyzmet etıp keledı. Jaŋa standartqa säikes ol altyn tüstes, al, astary aspan tüstes boluy kerek. Sonymen qatar Eltaŋbanyŋ bölıkterınıŋ qyryqqa juyq atauy bar.
Basqosu soŋynda memlekettık rämız öndıruşılerımen jeke seminar ötkızu tapsyryldy. Būl – önımdı keŋ taralymǧa şyǧarmas būryn tüsındıru jūmystaryn jürgızıp, qarjyny ünemdı paidalanuǧa mümkındık beredı. Aita ketu kerek, elımızde memlekettık rämızderdı şyǧaratyn qyryq şaqty mekeme tırkelgen.
Ashat RAIQŪL