Elordanyŋ elektr energetikasy salasy qyzmetkerlerı arasynda şahmattan «EnergyChes-2021» onlain-jarys ötedı. Täuelsızdıktıŋ 30 jyldyǧyna orai ūiymdastyrylǧan jarys salauatty ömır saltyn nasihattau, energetikalyq käsıporyndardyŋ qarym-qatynasyn nyǧaitu, mamandyqtyŋ oŋ kelbetın qalyptastyru maqsatyn közdeidı.
Jarys liches.org saitynda (27.11.2021, 04.12.2021, 11.12.2021) üş kezeŋ arqyly qaşyqtan ötkızıledı. Qatysuşylar saitta özınıŋ elektrondy poştasy arqyly tırkeluı jäne EnergyChess şahmattyq topqa qosyluy qajet. Barlyq kezeŋder 14:00-de bastalady. Qatysuşylar sanyna bailanysty är kezeŋde turlar sany anyqtalady. Jarys jeke bolyp sanalady. Jarysqa şahmattyŋ jürısterı men erejelerın bıletın, internetke şyǧatyn kompiuter, planşet/smartfonǧa qoljetımdı, elektr energetikasy salasynyŋ qyzmetkerlerı rūqsat alady. Jarys FİDE erejelerı boiynşa ötedı. Jarys Zoom qosymşasynda dybystyq jäne beinesıltemelerın qoldanu arqyly onlain formatta ötedı. Är qatysuşy frontaldy veb-kamerasyn qoldanu, sonymen qatar kompiuter monitory men qatysuşynyŋ özı körınıp tūru qajet. Oiynşy töreşınıŋ talaptaryna qarai kamerany aşuǧa mındettı. İnternet bailanysy üzılgen jaǧdaida qatysuşyǧa tehnikalyq jeŋılıs berıledı. Ötınışterdı energychess@mail.ru elektrondy poştasyna jıberu kerek. Aldau baǧdarlamalaryn qoldanǧan nemese syrttan kömek alǧan qatysuşy jarystan şektetıledı.
Jeŋımpazdar men jüldegerler jinaǧan ūpai sandaryna bailanysty anyqtalady. Ūpai sandary teŋ bolǧan jaǧdaida jeŋımpaz qosymşa körsetkıştermen anyqtalady, ony oiyn alaŋy avtomatty türde esepteidı. 3 kezeŋ nätijesı boiynşa jeŋımpazdar men jüldegerler Atomdyq jäne energetikalyq qadaǧalau men baqylau komitetı basşysynyŋ qoltaŋbasy bar madaqtamamen marapattalady (er adamdar men äiel kısıler bölek). Anyqtama üşın WhatsApp: +7 777 462 05 81.
Nailia ABDUHALİKOVA