Ūly Jeŋisti jaqyndatqan ardagerlerdıŋ erligi, önegege toly ömiri arada qanşa jyl ötse de, ūrpaqtan-ūrpaqqa ülgi retinde aityla beredi. Öitkenı, Jeŋis merekesi – jer basyp jürgen barşa adamzat balasy üşın ülken toi.
1941-45 jyldary Ūly Otan soǧysy kezınde jaudy jeŋuge tek maidan dalasyndaǧy keskılesken şaiqastar men «elım» dep eŋıregen erlerdıŋ eren erlıkterı ǧana emes, sonymen qatar tyldaǧy eŋbektıŋ dübırı de öz äserın tigızdı.
Bız ol kezde etek-jeŋın jiyp ülgermegen jas bala edık. Soǧan qaramastan, maidandy azyq-tülıkpen, kiım-keşekpen qamtamasyz etu üşın kündız-tünı aianbai eŋbek ettık. Apamyz şölke toqysa, jıbın äperıp, kiım tıkse, inesın sabaqtap, qolymyzdan kelgenınşe qolǧabys ettık. Qyrmanǧa şyǧyp, belımız bügılgenşe jūmys ıstegen sätterımız de az bolǧan joq. Aş-jalaŋaş jürgen kezderımızde keiımedık, «tek jaudy jeŋsek, beibıtşılıkke qol jetkızsek eken» dep armandadyq.
«Barlyǧy – maidan üşın, barlyǧy – Jeŋıs üşın», «Tylda da soǧystaǧydai!», «Özıŋ üşın ǧana emes, maidanǧa attanǧan joldasyŋ üşın!» degen ūranǧa qosylyp, örımdei bolsaq ta, özımız qūralyptas er balalardan bır elı qalyspai eŋbek etıp, tek äkelerımız ben aǧalarymyzdyŋ soǧystan jeŋıspen oraluyn ǧana oiladyq. Söz joq, tyldaǧy qyz- kelınşekterdıŋ osyndai ruhy men Otanǧa degen süiıspenşılıgı jeŋıstıŋ jaqyndai tüsuıne yqpal ettı.
Qūdaiǧa şükır, bügınde el aman, jūrt tynyş. Keşegı qiyndyqtardyŋ bärı artta qalyp, beibıt zamanda, bereke-bırlıkte ömır sürıp jatqanymyzǧa myŋ märte täube etemız.
Qazırgı taŋda halyqtyŋ äl-auqatyn arttyru baǧytynda jyl saiyn jaŋa mındetter belgılenıp, Memleket basşysynyŋ tıkelei qamqorlyǧy arqasynda qazaqstandyqtardyŋ jaǧdaiy jaqsaryp keledı. Astanamyz kün saiyn körkeiıp, küllı älemge tanyldy. Endigi tilegım, qazaq elinde erlik pen eŋbektiŋ, tatulyq pen dostyqtyŋ tuy mäŋgilik jelbirei berse eken!
Er azamattarmen birge qanattasyp, qairat körsetken apalarymyzdyŋ eren erligi, eŋbegi eşuaqytta ūmytylmaq emes. Maidan dalasynda qaza tapqan, tylda eren eŋbek ülgısın körsetken jerlesterımızdıŋ esımı ǧasyrdan ǧasyrǧa mäŋgı jasai bermek.
Şepi ÄLIMOVA,
tyl eŋbekkerı,«Kümıs alqa» iegerı
