Biyl – Astana qalasy mäslihatynyŋ qūrylǧanyna 30 jyl. Elordanyŋ ǧana emes, elımızdıŋ barlyq mäslihatyna ülgı bolyp otyrǧan Astana qalalyq mäslihat deputattary öz mındetın qalany damytudyŋ josparlaryn, ekonomikalyq jäne äleumettık baǧdarlamalaryn bekıtu arqyly oryndap jür. Elge qyzmettı abyroimen atqarǧan halyq qalaulylary az emes. Sonyŋ bırı – mäslihattyŋ 1999-2004, 2016-2021 jyldarda Astana qalasy mäslihatynyŋ II, VI şaqyrylymynyŋ deputaty bolǧan bılıktı pedagog, №17 mektep-gimnaziia direktory, pedagogika ǧylymdarynyŋ magistrı, qalalyq Qoǧamdyq keŋes müşesı Ramziia Ömırbaeva.
Elge qyzmet – abyroily mındet
Ramziia Faatqyzy – el astanasy oŋtüstıkten Saryarqa törıne qonystanǧan kezde elordanyŋ bılım salasyn köteruge atsalysqan alǧaşqylardyŋ bırı. Mektep direktory, bılım beru salasynyŋ üzdıgı, qūrmettı qyzmetkerı Ramziia Ömırbaevanyŋ ömırlık ūstanymy berık, maqsaty aiqyn. Ol elordalyq mektepte zamanaui bılım berudı qoldap, onda balanyŋ özı bılım aluǧa ūmtylyp, özın-özı damytuǧa, ärtürlı salada öz küşın synap köruge qyzyǧuşylyq tanytuy üşın jaǧdai jasau jolynda qyruar jūmys atqarǧan jan. 30 jyldan astam mektep direktory qyzmetın atqarǧan ol oqu ordasy qūryluynyŋ qiyn da kürdelı kezeŋınde, ūjymnyŋ qalyptasuy şaǧynda, jeŋıstı de quanyşty sätınde basy-qasynda boldy. Osynşama jüktı abyroimen atqarǧan ol – alysty boljai bıletın köregen, obektivtı pıkırın aşyq aitatyn, ädıl, ısker basşy, zamanaui pedagogikany meŋgergen mobildı pedagog retınde tanymal tūlǧa.
Ramziia Faatqyzynyŋ ıskerlık qabıletı onyŋ käsıbi qyzmetınde qalyptasty. Ol 1999-2004, 2016-2021 jyldarda Astana qalasy mäslihatynyŋ II, VI şaqyrylymynyŋ deputaty boldy. II şaqyrylymdaǧy mäslihat bır erekşe kezeŋ – elordanyŋ köşıp kelıp jatqan jauapty kezeŋı edı dep eske alady Ramziia Ömırbaeva.
– Deputattyq qyzmet – būl köp oilanudy kerek etetın ülken jūmys, mereilı mındet. Nätijesı jalpy qalaǧa ǧana emes, adamdardyŋ ömırıne de äser etetın jauapty jūmys. Halyq qalaulylary qiyn ömırlık jaǧdaiǧa tap bolǧan azamattardy, ardagerlerdı, mügedekterdı, tolyq emes jäne köpbalaly otbasylardy, jetım balalardy qorǧaityn atauly äleumettık qoldaudy qamtamasyz etuge mındetteidı, – deidı ol bızben kezdesken kezınde.
Deputat retınde Ramziia Faatqyzy azamattardy qabyldap, ūiymdardardaǧy problemalyq mäselelerdı şeşuge kömektestı, sailauşylarmen, eŋbek ūjymdarymen, aumaqtyq özın-özı basqaru ökılderımen jiı kezdestı, bırlesken aksiialarǧa, jergılıktı jerlerdegı qiyn ömırlık jaǧdailardy qarauǧa qatysty.
Ramziia Faatqyzy sailauşylardyŋ ötınış-tılekterın oryndai otyryp, adamdardy qala ömırın jaqsartuǧa qatysuǧa, özın-özı basqarudy damytuǧa, biık azamattyq pozisiia ūstanuǧa şaqyrdy. Elordanyŋ özektı mäselelerın şeşuge öz ūsynystaryn jetkızıp jürdı. Özınıŋ qyzmet türı, bılımı jäne ortasy boiynşa äleumettık salaǧa integrasiialanǧan ol adamdarmen jūmys ısteuge ärqaşan müddelı bolatyn. Adamdarǧa qiyn sätte kömektesu, qoltyǧynan demeu – būl Ramziia Faatqyzynyŋ jaratylysynan boiyna bıtken qasiet.
Äiel – otbasy men Otan ūiytqysy
– Öz otbasyn jäne elın qorǧauǧa qabılettı saiasatker – adamdardyŋ pıkırlerın tyŋdau arqyly ortaq ısterge ūmtylatyn tūlǧa. Eldegı beibıtşılık pen ūlttyŋ densaulyǧyn oilaǧan deputat mädeniettı köteru men qauıpsızdıkpen qamtamasyz etu jolynda balalar men kömekke zäru qarttardy ūmytpaidy, būl maqsatta jaŋa, tyŋ qadam jasaidy jäne qazırdıŋ özınde jasalǧandy qorǧaidy, sonymen bırge saiasatker äiel ömırdı jalǧaidy, ösıp-önudı örkendete tüsedı. Öitkenı būl basqanyŋ emes, bır qolymen besıktı, bır qolymen älemdı terbegen äiel-saiasatkerdıŋ ǧana qolynan keluı mümkın, – dep aqtaryldy Ramziia Faatqyzy.
Otan aldyndaǧy qaltqysyz qyzmetı üşın, bılım men ǧylymǧa sıŋırgen eŋbegı üşın R.Ömırbaeva alǧys hattarmen, medaldarmen, «Qūrmet» ordenımen marapattalǧan. Fransuz Respublikasy Ūlttyq bılım ministrınıŋ ūsynysy boiynşa jäne 2022 jylǧy 12 şıldedegı qaulysymen R.Ömırbaeva Qazaqstanda fransuz tılın oqytudy qoldau men damytuǧa sıŋırgen eŋbegı üşın, sondai-aq franko-qazaqstandyq bılım beru yntymaqtastyǧyn nyǧaituǧa qosqan ülesı üşın Akademiialyq Palmalar Ordenınıŋ Kavalerı ataǧyna ie boldy. Akademiialyq Palma ordenı 1808 jyly imperator Napoleon I qūrǧan Fransiiadaǧy eŋ köne azamattyq syilyq ekenın eskersek, Ramziia Faatqyzy eŋbegınıŋ eleulı ekenın aŋǧaruǧa bolady.
Bılıktı pedagog, ısker basşy, belsendı deputat, halyq qalaulysy Ramziia Faatqyzy qoǧamdaǧy, äleumettık saladaǧy oŋ özgerıstermen bırge adamdar da jaqsy jaǧyna qarai özgeretınıne quanady.
– Qoǧamdaǧy jaqsy özgerıster, igı amaldardyŋ äserı mol. Osy arqyly azamattardyŋ özıne degen senımı ūlǧaiyp, bolaşaqqa ūmtylysy küşeie tüsedı. Sondyqtan da ömırım bosqa ötken joq, deputat, mektep basşysy, adam retınde talai abyroily ıstı atqardym, älı de ǧūmyrym jetkenşe osy baǧyttaǧy igı jūmystarymdy jalǧastyra beremın, – deidı Ramziia Ömırbaeva.
Ol adamdarǧa qol sozyp, ömırıne airyqşa äser etken jyldaryn osylaişa eske alady. Şyn mänınde kömektese alǧanyn osylai maqtanyşpen jetkızedı, öitkenı halyqtyŋ senımınen şyǧu – abyroily mındet.
Ramziia Faatqyzy aldaǧy uaqytta da saiasi bäigede elınıŋ erteŋın, balalarymyzdyŋ bolaşaǧyn oilaityn naǧyz halyq qalaulylarynyŋ bäsı basym bolaryna senımı mol. Dodada ırıktelgen azamattar mäslihat mınberıne sai memleketşıl, Ädılettı Qazaqstannyŋ naǧyz patriottary bolady degen ükılı ümıtı bar. Al halyqtyŋ qoldauyna ie bolǧan Prezidenttıŋ taǧdyrşeştı qadamdaryn jüzege asyruǧa aianbai atsalysu – barşamyzdyŋ mındetımız.
