Säuirdegi täuir tirlik qala tazalyǧynan bastaldy. Astana tūrǧyndary qazirden bastap, qysqy qaldyqtardy jinap, aǧaştardyŋ tübin äktep, jer tüpteuge kirisip ketti. Tazalyq qamyna erte qamdanǧandardyŋ biri – Esil audany.
Jalpyqalalyq senbilik barysynda mūnda 400-ge tarta käsiporyn, memlekettik ūiymdar, ministrlikter men özge de mekemeler tolyq tazalyqqa jūmyldyrylmaq. Iаǧni, jalpy sany şamamen 16 myŋ tūrǧyn 21 säuir küni «Biz taza qalany qoldaimyz!» atty ūranmen jappai tazalyq jūmysyna kirisedi.
Ekologiialyq-sanitarlyq ailyq barysynda audan territoriiasyna 1500 aǧaş otyrǧyzu közdelgen. Däl qazirgi uaqytta Tūran köşesinen bastalatyn abattandyru jūmysynyŋ oryndary belgilenip, aldyn ala qoqystardy jinastyru jūmystary jürgizilip jatyr. Sonymen qatar, audanda qazirgi küni 10 biodärethana jäne 8 qoqys konteinerleri ornatyldy.
Sondai-aq, 10 säuirden bastap, 10 mamyrǧa deiin jürgiziletin jalpyqalalyq ekologiialyq senbilikter barysynda «Astana kögaldandyru» memlekettik mekemesi mūndaǧy tazalyq jūmystaryna 47 qoqys tazalaityn jäne qaldyq artatyn kölikter jūmyldyrmaq.
Ūqsas jaŋalyqtar
Leave a Reply