Almaty oblysynyŋ äkımı Amandyq Batalov Ortalyq kommunikasiialar qyzmetınde ötken arnaiy brifingte aimaqtyŋ äleumettık-ekonomikalyq damuynyŋ negızgı körsetkışterı, memlekettık jäne salalyq baǧdarlamalardy ıske asyru barysynan habar berıp, aldaǧy maqsat-mındetter turaly äŋgımelep berdı.
Osydan bır ai būryn Elbasy jūmys saparymen Almaty oblysyna baryp, bırqatar eskertuler aitqan bolatyn. Solardy esepke alǧan öŋır basşylyǧy qūrylǧan jospar boiynşa jūmystar jürgızude. Agrarlyq sektorda paidalanylmaǧan jerler auyl şaruaşylyǧy ainalymyna tartylyp, innovasiialyq baǧyttaǧy agrotehnologiiany qoldanu arqyly türlı daqyldardan alynatyn önımdı arttyru jönınde şaralar qolǧa alynbaqşy. Bügıngı taŋda oblysta 126 myŋ gektardan astam jer tusyrap bos jatyr. Onyŋ 49 myŋ gektardan astamy suarmaly jerler eken. Naqty ielerın anyqtap, qoldanylu maqsatyn belgıleu üşın jer kartasy jasalatyn bolady.
Sondai-aq, 2 myŋ gektardai aumaqty alatyn jaŋa baqtyŋ orny daiyndalyp, aport almasyn qalpyna keltıru jūmystary bastalyp ketıptı.
«Özın özı eŋ negızgı qajettı azyq-tülık türlerımen tolyq qamtamasyz ete alatyn bızdıŋ oblysymyzǧa qazırgı künı syrttan jalpy somasy 432 mln dollardy qūraityn azyq-tülık önımderı äkelınude. Alda bırqatar käsıporyndar modernizasiialanyp, et-süt jäne kökönıs öndırısterı qūrylatyn bolady» dedı oblys basşysy. Sonymen bırge, süt qabyldau nüktelerın aşyp, jyl soŋyna deiın 32 bordaqylau alaŋyn 12 myŋ bas malmen tolyqtyru josparlanuda.
Amandyq Batalov biyl qaŋtar-tamyz aralyǧynda Almaty oblysynyŋ äleumettık-ekonomikalyq damu körsetkışterı barlyq sala boiynşa ornyqty damu dinamikasyna ie bolǧanyn basa aitty. Onyŋ mälımetınşe, auyl şaruaşylyǧynda 178,7 mlrd teŋgenıŋ önımı öndırılıp, naqty kölem indeksı 100,7%-dy qūrady. Al, önerkäsıp salasynda 390,3 mlrd teŋgenıŋ önımı öndırılıp, naqty kölem indeksı 100%-dy qūraǧan.
Al, industriialandyru kartasy aiasynda Jambyl audanynda tauarly jūmyrtqa öndıretın «Sūŋqar» qūs fabrikasy jäne Qarasai audanynda «Kelun-Kazpharm» farmasevtikalyq zauyty ıske qosylǧan.
Mädina JAQYP
