«Astanada ūlttyq naqyştaǧy ashana joq». Erinbegen ekiniŋ biri aitatyn synnyŋ biregeii osy. Ūlttyq dep otyrǧanymyz – qazaqtiki.
Astana astana bolǧaly aitylyp kele jatyr. Aitylady-au…
Biraq, sol aitqannan nätije şyqsa, käne?
Sanauly kün būryn qalada bir qonaqüidiŋ aşyluyna kuä boldyq.
HVIII –HIH ǧasyrdaǧy orys ūltynyŋ tūrmys-tirşiligin nasihattaityn mädeni orynnyŋ biri. Olai deitinimiz, esiginiŋ tūtqasyna qarap-aq ūlttyŋ sol kezdegi demin sezinesiŋ. Işide solai. Köziŋ tüsip ketken jerdiŋ barlyǧy ūly halyqtyŋ ūlttyq bolmysyn körsetip tūr…
Qonaqüidiŋ qojaiyny kerek qarjyny «Biznestiŋ jol kartasy-2020» baǧdarlamasynyŋ şeŋberinde memleketten alypty. Söitip, biliktiŋ bizneske körsetip otyrǧan qoldauyna ie bolypty.
Änşeiinde jaŋǧyryǧy jer jaratyn qazaq käsipkerleri osy baǧdarlamany nege paidalanbaidy? Qazaqy naqyştaǧy meimanhana bolmasa da, bir meiramhananyŋ irgesin qalauǧa bolady ǧoi. Gruzinniŋ «Bagrationy», özbektiŋ «Alaşasy» men «Taşkenti», aǧylşynnyŋ «Chelsii» men italiandardyŋ «İl-patiosy»… Osylardyŋ qatarynda qazaqtyŋ bir ashanasy tūrsa taqiiamyzǧa tar kele me? Qazaqtyŋ jerindei darhan dastarhanymyz, tarihymyz ben mädenietimiz eşkimnen kem emes.
Kindik qalada «qazaq osy» dep ūltymyzdyŋ tarihymen tanystyryp, taǧamynan dämin tatqyzatyn bir keşen salyp… «Astanada ūlttyq ashanasy joq» degen jyldar boiy qalyptasqan stereotipti būzatyn kez keldi emes pe?
Qazaqty tanytu üşin… käsipkerlerge aiǧa ūşudyŋ, aqşany oŋdy-soldy şaşyp, şetelden jūldyz şaqyrudyŋ qajeti joq. Bir tamaqtanu orynyn aşyp-aq, özin de, ūltyn da, dästürin de däripteuge bolar…
Ainūr ŞOŞAEVA