Elorda mäslihatynyŋ tūraqty komissiialary Astanadaǧy keibır köşelerge ataular beru jäne qaita atau mäselelerın qarady.
Qaladaǧy onomastikalyq komissiianyŋ müşelerı, audan äkımderınıŋ orynbasarlary, elorda äkımdıgıne qarasty basqarmalar men qoǧamdyq bırlestıkterdıŋ ökılderı qatysqan otyrysta Tılderdı damytu basqarmasynyŋ basşysy Erbol Tıleşov atalmyş komissiiaǧa 2010-2012 jyldary qalalyq onomastika komissiiasyna Astana qalasynyŋ köşelerıne atau beru turaly 21 jäne qala köşelerın qaita atau turaly ekı ūsynys kelıp tüskenın jetkızdı. Onyŋ aituynşa, būl ūsynystardy Qazaqstan Respublikasy Parlamentınıŋ deputattary, Astana qalasynyŋ ziialy qauym ökılderı men bas qalamyzdyŋ tūrǧyndary jasaǧan. Olar Astanadaǧy kei köşelerdı Qyrǧyzstan jäne Qazaqstannyŋ halyq jazuşysy, memleket jäne qoǧam qairatkerı Şyŋǧys Aitmatovtyŋ, Vengriia Respublikasynyŋ astanasy Budapeşt qalasynyŋ qürmetıne, ūlt-azattyq qozǧalysynyŋ batyry Būqarbaidyŋ, memleket qairatkerı, etnograf ǧalym Özbekälı Jänıbekovtıŋ esımımen ataudy ūsynǧan. Sondai-aq, aldaǧy uaqytta elordada aqyn Kenen Äzırbaevtyŋ, memleket jäne qoǧam qairatkerı Iliias Omarovtyŋ, jazuşy dramaturg Zeiın Şaşkin men Qazaq KSR-nıŋ halyq ärtısı Ämina Ömırzaqovanyŋ atynda köşe bolsa, Astanadaǧy Daraboz jäne Toqpanov köşelerı keleşekte bırıktırılıp, rejisser, pedagog, Qazaqstannyŋ halyq jazuşysy Asqar Toqpanovtyŋ esımımen atalsa degen ötınışter tüstı. Sonymen bırge, Mirzoian köşesınıŋ tūrǧyndary jäne L.Gumilev atyndaǧy Euraziia ūlttyq universitetınıŋ studentterı osy köşenı ǧalym Qanyş Sätbaevtyŋ esımımen qaita atau jönınde ūsynys bıldırgen.
SÜBELI SÖZ
Qabyken ZAKARIаNOV, «Ädılet» tūtynuşylar qūqyǧyn qorǧau qoǧamdyq bırlestıgınıŋ töraǧasy:
– Soŋǧy kezde qalada qanşama köşe atauy auystyryldy. Ärine, jai adamnyŋ atyna köşe berılmeidı. Men oǧan eş qarsy emespın. Degenmen, osy qalada elu jyl tūrsam da, keide jaŋa ataularǧa qarap, olardyŋ kım ekenın esıme tüsıre almai qinalamyn. Sondyqtan, köşelerge jaŋa atau bergende, ol adamnyŋ qandai qyzmetter atqarǧany men halyqqa sıŋırgen eŋbegı turaly az-kem aqparat jazyp ılu kerek. Künı erteŋ «EKSPO -2017» körmesıne qalamyzǧa bes million kısı keledı, sonda olardyŋ aldynda ūialyp qalmaiyq.
Taǧy bır aitarym: qalamyz keiıngı kezde adam tanymastai özgerdı. Köşelerdıŋ attary da özgerıp jatyr. Keide olardyŋ eskı aty alynbai, sol qalpynda qalyp qoiady. Al, konduktorlarymyzdyŋ barlyǧy bırdei onyŋ jaŋartylǧanyn bıle bermeidı. Özı bılmegen soŋ jūrtty şatystyratyndary taǧy bar. Osy jaǧyn da eskergen jön.
Būl rette Erbol Erdenbekūly komissiia müşelerınıŋ şeşımıne säikes, bas qalanyŋ Esıl audanyndaǧy №218, №219, №220, №221, №224, №225 köşelerge Jusandy, Örıktı, Şetendı, Şyrşaly, Emendı, Almūrtty degen jemıs ataularyn beru turaly ūsynystyŋ bolǧanyn jetkızdı. Osyǧan orai, halyq qalaulylary Q.Qūlmūqanov, T.Orazaqov, A.Kim öz pıkırlerın ortaǧa saldy. Deputat S.Bogatyrev qalamyzdyŋ damuyna üles qosqan ataqty adamdardyŋ aty-jönderınıŋ būrmalanbai, dūrys jazyluyna män beru kerektıgın eskertse, T.Egınbaev: «Būqarbai batyrdyŋ atyna köşe beru üşın nege Rysqūlov atyndaǧy köşenı özgertuımız kerek?» dedı. Būl mäselenı basqarma basşysy: «Rysqūlovtyŋ ülken qoǧam qairatkerı ekendıgın eskerıp, osydan üş tört jyl būryn komissiia müşelerı sol jaǧalaudaǧy Nazarbaev universitetınıŋ aldyndaǧy ülken köşege ol kısınıŋ atyn bergen eken, al «Kongress-holl» saraiynyŋ artyndaǧy şaǧyn köşe ol kısıge laiyq emes dep, batyr esımın köşenıŋ eskı atynyŋ ornyna berdık» dep tüsındırdı.
Bır kısınıŋ atynda ekı köşenıŋ boluy, ärine, dūrys emes. Sondyqtan, deputattar keleşekte osyndai olqylyqtarǧa jol bermeu kerektıgın atap aitty. Al, qalalyq mäslihattyŋ hatşysy Sansyzbai Esılov, eŋ bastysy, adamdardyŋ aty-jönın dūrys jazuǧa nazar audarylu kerektıgın aitty.
