Mausym aiynda Ūlttyq käsıpkerler palatasy men QR Halyq bankı özara yntymaqtastyq memorandumyna qol qoiǧan bolatyn. Nätijesınde atalmyş banktıŋ Astana öŋırlık filialynda şaǧyn jäne orta biznes ökılderıne arnalǧan Keŋes beru ortalyǧy aşyldy. Joba mazmūnyn talqylau üşın «döŋgelek üstel» ūiymdastyrylyp, onda astanalyq käsıpkerler de bas qosty.
Käsıpkerlıkpen ainalysqysy kelse de, neden, qalai bastau kerektıgın bılmei jatady keibırı. Sondaida jaqyn dosyŋnyŋ, körşı-qolaŋnyŋ emes, ıstıŋ közın bıletın bılıktı mamandarmen aqyldasqan jön. Jobanyŋ negızgı maqsaty da sol – su tegın berıletın keŋesterdıŋ arqasynda bizneske endı aiaq basqandardy dūrys jolǧa baǧyttap, käsıpkerlerge qoldau körsetu. Būl maŋyzdy ıske Halyq bank menedjerlerı de saqadai sai eken. Olarǧa osydan bır ai būryn memlekettıŋ käsıpkerlıktı qoldau baǧdarlamalary boiynşa Ūlttyq käsıpkerler palatasy därıs berıp oqytypty.
«Halyqqa osyndai mümkındıkter jasaluda. Endı olardyŋ mındetı Keŋes ortalyǧyna kelıp, käsıpkerlıkke bailanysty kez kelgen sūraqtaryn qoiu bolsa, bızdıŋ mındetımız – tüsındıru jūmystaryn tiianaqty jürgızu. Sonymen bırge, bügınnen bastap kelgen klientterdıŋ sanyn, jiı qoiylatyn sūraqtardy tırkep, ai saiyn monitoring jürgızemız. Būl qyzmetke sūranys köbeigen jaǧdaida däl osyndai taǧy bır ortalyq aşamyz. Qyzyǧuşylar az bolsa, demek bız nasihatty küşeituımız kerek» deidı «Qazaqstan Halyq bankı» AQ Astana öŋırlık filialynyŋ direktory Nūrlybek Erjıgıtūly. Onyŋ aituynşa, joǧaryda atalǧan ortalyqta «Biznestıŋ jol kartasy – 2020» baǧdarlamasy aiasynda käsıpkerlerge körsetıletın kömek türlerı aitylyp, osy baǧdarlamaǧa qatysu şarttary, servis qyzmetterı jaily tolyq aqparat ūsynylady. «BJK – 2020» baǧdarlamasynyŋ bırınşı jäne üşınşı baǧyt şeŋberınde kreditter boiynşa syiaqy mölşerın subsidiialau, kepıldı kreditter men granttyq qarjylandyru turaly da mol aqparat aluǧa mümkındık bar. Sondai-aq, käsıpkerlerge «Damu» käsıpkerlıktı damytu qorynyŋ öŋdeuşı önerkäsıp salasyndaǧy jeke käsıpkerlık subektılerın qoldau baǧdarlamasy men äielder käsıpkerlıgı subektılerın kezektı kreditteu turaly tüsındırıledı.
Aita keteiık, Qazaqstan Halyq bankı şaǧyn jäne orta biznestı qarjylandyrudyŋ oŋtaily qyzmetterın ūsynyp jür. Bügınde būl bank «Biznestıŋ jol kartasy – 2020», «Damu Öndırıs II» jäne «Agrobiznes – 2020» baǧdarlamalarynyŋ jüzege asuyna belsendı türde atsalysuda. Tolyq aqparat alu üşın «Qazaqstan Halyq Bankı» AQ AÖF Şaǧyn jäne orta bizneske satu ortalyǧynyŋ +7 7172 591 150 jäne +7 7172 591 183 bailanys telefondaryna habarlasuǧa bolady.
Mädina JAQYP
