KNIаZBEN KEZDESU
Keşe Prezident Nūrsūltan Nazarbaev elımızge resmi saparmen kelgen Monako Kniazı II Albermen kezdestı.
Kezdesudıŋ saltanatty räsımınen keiın memleket basşylary saiasi, sauda- ekonomikalyq, investisiialyq, ekologiialyq jäne mädeni-gumanitarlyq yntymaqtastyq mäselesın talqylady. Äŋgımelesu barysynda Qazaqstan Prezidentı būl II Alberdıŋ Qazaqstanǧa alǧaşqy sapary ekenın atap öttı.
– Men Sızdıŋ jas, täuelsız memleket – Qazaqstandy köru üşın kelgenıŋızge quanyştymyn. Qazaqstan men Monako arasyndaǧy yntymaqtastyqtyŋ tarihy osydan bastalady dep ümıttenemın, – dedı Memleket basşysy.
Öz sözınde Monako Kniazı II Alber Nūrsūltan Nazarbaevqa jyly qabyldauy men dostyq nietı üşın alǧysyn aitty:
– Delegasiia jäne özım de Monakoda jürıp-aq, sızder jaqtan jetken jylylyqty sezındım. Sondai-aq, men anama arnalǧan körmenı özderıŋızdıŋ jas elordalaryŋyz Astanada ūiymdastyruǧa kelısım bergenıŋız üşın rizaşylyǧymdy bıldıremın. Sızdıŋ körmenıŋ aşyluyna qatysatynyŋyz men üşın ülken qūrmet. Būl körmenıŋ ötkenıne, ideianyŋ osynda jan-jaqty qoldau tapqanyna öte quanyştymyn, – dedı II Alber.
Kelıssözderdıŋ qorytyndysy boiynşa, Memleket basşylarynyŋ bırlesken deklarasiiasy qabyldandy jäne QR Sauda, önerkäsıp palatasy men Monako Ekonomikalyq damu palatasy arasyndaǧy yntymaqtastyq turaly kelısımge qol qoidy. Bırlesken deklarasiiada Memleket basşylary ekı eldıŋ ūlttyq müddelerı men jahandyq sipattaǧy problemalaryna jauap beretın mäseleler boiynşa Qazaqstan men Monako arasyndaǧy türlı deŋgeide jürgızılgen saiasi dialog pen konsultasiialardyŋ rölın joǧary baǧalady.
Sondai-aq, Nūrsūltan Nazarbaev pen II Alber qauıpsızdıktı jäne jahandyq auqymda tūraqtylyqty nyǧaitu maqsatynda halyqaralyq jäne öŋıraralyq instituttar aiasyndaǧy ekı eldıŋ bırlesken jūmysyn jalǧastyruǧa tılektestıkterın bıldırdı.
Memleket basşylary ekıjaqty ekonomikalyq qatynastardyŋ damuyn jäne Qazaqstan men Monakonyŋ äleuetı men täjıribelerın eskere otyryp, özara tiımdı yntymaqtastyqtyŋ baǧyttary men jobalaryn belsendı ızdeu kerektıgıne toqtaldy.
Būdan keiın ekı tarap «Greis Kelli – Monako Hanşaiymynyŋ däuırı» atty körmenıŋ aşylu saltanatyna qatysty.
«Greis Kelli – Monako Hanşaiymynyŋ däuırı» atty körme Monako kniazı III Renenıŋ zaiyby jäne tanymal gollivud aktrisasy Greis Kellidıŋ jeke ömırıne arnalǧan. Körmede kniaginia ömırınıŋ keibır sätterı – Filadelfiiada ötken balalyq şaǧy, Gollivudtaǧy saltanatty sätter, Kniazben kezdesuı, ana atanǧan jäne Monako simvoly bolǧan jyldar körınıs tapqan. Ekspozisiia arasynda jeke zattary, fotosuretterı, kniaginianyŋ äşekeilerı, balalar oiynşyqtary, onyŋ Kniaz Renemen türlı korol otbasy müşelerımen, A.Hichkokpen, B.Krosbimen, K.Grantpen, J.Kennedimen, M.Rostropovichpen, R.Nurievpen jäne M.Şagalomen jazbalarynan qūjattar, sondai-aq, Greis Kellidıŋ keibır üi kinojazbalary da bar.