Halyqaralyq valiuta qorynyŋ Öŋırlık konferensiiasyna qatysu üşın atalmyş qarjy qūrylymynyŋ basqaruşy direktory Kristin Lagard Astanaǧa keldı.
Astana ekonomikalyq forumy aiasynda ūiymdastyrylǧan konferensiia soŋynda HVQ basşysy otandyq ekonomikany tūraqtandyratyn daǧdarysqa qarsy şaralar jaily aitty.
– Qazaqstan ekonomikasynyŋ biylǧy ösımı nebärı 1 paiyzdy qūrady, al soŋǧy 15 jylda ortaşa körsetkış 7,5 paiyz bolǧan edı. Alaida aldaǧy jyly oŋ serpın beruı mümkın, – dei kele ol el bilıgınıŋ teŋgenı erkın ainalymǧa jıberuın dūrys qadam dep baǧalady.
Būdan soŋ Kristin Lagard salyq, biudjet saiasaty, biudjetten tys qorlardyŋ qyzmetı eleulı reformaǧa zäru ekenıne toqtaldy. Qor basşysynyŋ pıkırınşe, eger mūnai baǧasy osy deŋgeide tūra berse, onda ükımettıŋ biudjet qarjysyn qaita böluıne tura keledı.
– Qazaqstan diversifikasiia joldaryn ızdestıruı kerek. Sonyŋ arqasynda ekonomika äldeqaida bäsekege qabılettı, öŋırlık jäne jahandyq deŋgeide bırıktırılgen qalypqa köşedı. Köp memleket Qazaqstandy Europa men Aziia arasyndaǧy «köpır» dep tanidy. Osy qyzyǧuşylyq arqyly sızder üşın orasan zor mümkındıkter aşylady. Sol resurstardy eldegı ekonomikalyq ösım men jaŋa jūmys oryndaryn qūruǧa jūmsau kerek, – dedı ol.
Sondai-aq, qarjy qūrylymynyŋ basşysy reformalardyŋ jüzege asu barysyna toqtalyp:
– Reformalardy jasau oŋai emes. Bastysy, kez kelgen jaǧdaida mäselenıŋ mänısın, reformanyŋ maqsatyn barlyq tarapqa tüsındıru qajet. Būl oraida men qazaqstandyq bilık halyqpen aradaǧy dialogtyŋ meilınşe tereŋ örbuıne müddelı ekenın baiqadym, – dedı.
Meŋdolla ŞAMŪRATOV
