Aǧymdaǧy jyldyŋ 20 qazanynan bastap elımızde avtomobilderdıŋ erekşe nömırlerı satyla bastaidy. Öitkenı, ötken jyly Qazaqstannyŋ salyq kodeksıne keibır özgerıster engızılıp, būl normalar resmi türde zaŋdastyryldy.
yny kerek, aiyryqşa taŋbaly «krutoi» nömırler bızde būǧan deiın de joǧary baǧalanyp keldı. Sondyqtan, olar şendılerdıŋ seifterınde saqtalyp, tamyr-tanystyqpen nemese joǧarydan tüsken qoŋyraular boiynşa berıletın edı. Kei jaǧdailarda «barmaq basty, köz qystymen» belgılı bır baǧaǧa satylatyn da. Alaida, odan tüsken qarjy jekelegen adamdardyŋ qaltasynda ketetın. Qazır memleket sybailas jemqorlyqqa qarsy bıtıspes küres aşyp, osyndai köleŋkelı jailardyŋ aldyn alu maqsatynda arnauly zaŋ qabyldap otyr.
Qazaqstan Respublikasy Işkı ıster ministrlıgı äkımşılık komitetınıŋ bölım bastyǧy Qanat Säduaqasovtyŋ aituynşa, mūndai täjıribe Täjıkstan men Gruziiada keŋınen qoldanylyp jürgen körınedı. Bızdıŋ mamandar mūny ömırge engızbes būryn gruzinderdıŋ osy tūrǧydaǧy ädıs-täsılderın jete zerttegen eken. Mäselen, «jylyna «2000» nemese «5000» ǧana «märtebelı nömır» berıluı kerek» dep şekteu qoiu solardan alynǧan. Sonymen, qazırgı salyq kodeksıne säikes 100, 111, 200, 222, 300, 333, 400, 444, 500, 555, 600, 666, 700, 800, 888, 900, 999 taŋbaly nömırler – 253724 teŋgege, al, 001, 002, 003, 004, 005, 006, 007, 008, 009, 777 sandy nömırler – 422256 teŋgege satylady.
– Mūndaǧy maqsat jeŋ ūşynan jalǧasudy boldyrmau jäne jürgızuşılerdıŋ teŋ qūqylyǧyn qamtamasyz etu. Endıgı jerde aqşasy bar adam qandai taŋbaly nömır alamyn dese de, öz erkı. Ötınış bıldırse boldy, satyp ala beredı. Ärı odan tüsken qarjy da biudjetke tüsıp, adamdardyŋ äl-auqatyn jaqsartuǧa jūmsalady, – deidı Qanat Suşyūly.
Jaqsy SÄTŪLY
