«ORMANDAǦY» OTYRYS
Qarttar künı qalamyzdaǧy «Mehkolonna-56» JŞS-ǧa qarasty «Orman» meiramhanasynda kezınde osy mekemede jūmys ıstegen zeinetkerler bas qosty.
Jinalǧan 20-dan asa qart ärıptes dastarqan basynda eŋbekten qol üzbegen eŋselı şaqtary jaiynda äŋgımelesıp, qosyla än şyrqap, arqa-jarqa bolyp tarqasty. Qalalyq «Ardager» muzykalyq horynyŋ jetekşısı Galina Aksenova «Bız qarttyqtyŋ emes, qarttardyŋ merekesın toilap jatyrmyz. Mūndai kezdesuler – egde tartqan adamdar üşın ülken quanyş» deidı. Būl mekemede jūmys ıstegen alpys şaqty ardager bar. Bärı bır jerde taban audarmai 25 jyldan bastap 50 jylǧa deiın eŋbek etken.
«Mehkolonna-56» mekemesınıŋ būrynnan ıstep kele jatqan basşysy Bolat Quanyşev zeinetker bolsa da, älı künge deiın özı basqaryp otyr. Otyrysqa kelgen qarttardyŋ köbı – zamandas ärıptesterı. «Jylyna bır keletın merekede osynda eŋbek etıp, zeinetke şyqqan qarttardy jinap, elep-eskerıp, qūttyqtadyq. Būl – bızdıŋ mındetımız. Densaulyǧy jaramai kele almai qalǧandary da nazardan tys qalmady. Üilerıne baryp, syilyqtaryn tabystadyq» deidı ol.