Nūr-Sūltan qalalyq mäslihattyŋ deputattyǧyna ümıtkerler, Nur Otan partiiasynyŋ müşelerı Hanzada Baltaeva men Qanat Alin öner jäne mädeniet salasynyŋ adamdarymen Zoom formatynda kezdesu ötkızıp, öner, mädeniet jäne sport salasyna qatysty mäselelerdı talqylady.
«Halyqaralyq jahandyq äielder köşbasşylyǧy» qoǧamdyq bırlestıgınıŋ basşysy Hanzada Baltaeva özı basqaratyn bırlestıktıŋ jūmysyna şolu jasap, qoǧam damuyna üles qosyp jatqany turasynda aitty. «Ötken jyly Qazaqstan men Arab elderı arasynda mädeni bailanys ornattyq. Alys-jaqyn şet elderde, mysaly, Özbekstan, Resei, Täjıkstannyŋ ükımettık emes ūiymdarymen kelıssözder jürgızıp, äielderdı qoldauǧa bailanysty köptegen jūmystar jasaldy. Olarmen täjıribe almastyq. Sonymen bırge zamanaui kıtaphanalar jasaqtauǧa, muzeiler jūmysyn nasihattauǧa bailanysty köptegen şaralar ötkızdık. Būl halyqtardy özara yntymaqtastyqqa şaqyrady. Menıŋ oiymşa, būl – tek memlekettıŋ ǧana emes, ükımettık emes ūiymdardyŋ, sonymen bırge azamattardyŋ da mındetı. Bızdı tolǧandyratyn mäsele köp. Aitalyq, qolönerşılerdıŋ önerın nasihattau, özara sabaqtastyǧyn jalǧastyru baǧytynda festivalder ūiymdastyru da oiymyzda bar» dedı ol.
Memlekettık filarmoniia dirijerı Nūrlan Bekenov balalardy mädenietke bauluda naqty ıster keregın aitty. Oquşylar saraiynan bırneşe bölme bölıp, balalardy söileu mädenietı men muzykaǧa baulityn oryndar, «äl-Farabi jolymen» dep atalatyn ritorikaǧa qatysty üiırmeler aşudy qolǧa alu turaly ūsynys bıldırdı.
QR Greppling qauymdastyǧynyŋ prezidentı, greppling jäne djiu-djitsudan älem chempiony Qanat Alin būqaralyq sportty damytu, onyŋ qoljetımdı boluy turaly oilarymen bölıstı. «Bızdıŋ elde sportty memleket qarjylandyrady. Sonymen qatar, Qazaqstanda jeke kapitaldy paidalanuda jüielık täsıl joq, būl sporttyq şaralardy qarjylandyrudyŋ jalpy kölemınen körınedı. Bölıngen biudjettıŋ köp bölıgı käsıbi sportqa tiesılı» dedı ol.
