«Mereilı otbasy» ūlttyq baiqauynyŋ jeŋımpazy astanalyq Ahmetovter äuletı turaly jazylǧan kıtap jaryq kördı.
Kıtapta Kendai Ahmetov özınıŋ qyzyqty da önegelı ömır jolyn baiandap qana qoimai, körgenı men köŋılge tüigenın aityp, tırşılık täjıribesınen tuyndaǧan oilaryn ortaǧa salady.
Qazaqstan temır joly salasyndaǧy äulettık jalpy eŋbek ötılı 1264 jyldy qūraityn būl otbasynyŋ özgelerge ülgı bolarlyq tūstary köp. Kıtap avtory temır jol stansasynda ötken balalyq şaqtyŋ esten ketpes bal künderı jaiynda äserlı äŋgımeleidı. Äulettıŋ ülkenderın syilau, tuystyq, bauyrmaldyq qarym-qatynas, bılım aluǧa, zamana köşınen qalmauǧa ūmtylu, dästür men ata saltyn közdıŋ qaraşyǧyndai saqtau – onyŋ qasterlı qasietı, ülken mūraty ekenı aŋǧarylady.
Kıtaptaǧy balalyq şaq, perzenttık sezımnen bastap, dostyq, mahabbat, adamdar arasyndaǧy syilastyq, adaldyq, qyzmettegı jauapkerşılık, taǧy basqa ızgı qasietter men tartymdy baiandalǧan oqiǧalardan avtordyŋ biık bolmysy keŋınen tanyla tüskendei.
Köz süzıp şyqqan jalpy oqyrmandy jaŋa tuyndynyŋ bei-jai qaldyrmasyna senımdımız.
Näzira SAILAUQYZY
