QR Statistika agenttıgınıŋ būrynǧy töraǧasy A.Meşımbaevaǧa qatysty qylmystyq ıs aiaqtaldy. Būl aqparatty Astana qalasy prokuraturasynyŋ baspasöz qyzmetı jariialady.
A.Meşımbaeva QR QK-nıŋ 176-baby 3-bölıgı «b,g» tarmaqtarymen jäne 307-baby 3-bölıgımen, 2009 jyly halyq sanaǧyn ötkızuge qajet sanaq qūraldaryn daiyndau üşın bölıngen 758.2 million teŋge mölşerındegı senıp tapsyrylǧan aqşa qarajattaryn özınıŋ orynbasarlarymen, merdıger ūiymnyŋ basşylyǧymen jäne basqa da tūlǧalarmen bırge adamdar tobynyŋ aldyn ala söz bailasuymen jymqyrǧany üşın, sondai-aq ökılettıkterın terıs paidalanǧany üşın aiyptaluda. 2013 jyldyŋ 15 qaraşasynda A.Meşımbaevanyŋ ısı joǧaryda atalǧan Qylmystyq kodekstıŋ baptarymen sotqa berılıp, bügıngı taŋda qylmystyq ıs Astana qalasynyŋ Esıl audandyq №2-şı sotynyŋ öndırısınde.
Memleket qarjysyn talan-tarajǧa salyp, şetel asyp ketken A.Meşımbaevaǧa QR Ekonomikalyq qylmysqa jäne sybailas jemqorlyqqa qarsy küres agenttıgı 2009 jyldan berı ızdeu jariialaǧan bolatyn. Ol biylǧy qyrküiek aiynda Resei Federasiiasynan ekstradisiia tärtıbımen elımızge qaitaryldy.
