Ūlttyq ekonomika ministrı Älıbek Quantyrov pen Astana qalasy äkımınıŋ orynbasary Nūrlan Soltambekov elordadaǧy bırqatar äleumettık jäne önerkäsıptık nysandy aralady.
Olar aldymen bas şahardaǧy №2 jylu elektr ortalyǧyna at basyn būrdy. Is-şaraǧa qatysuşylar būl jerde tarif belgıleu, kömır qazandyqtaryn gazǧa auystyru mäselelerın talqylady.
Mamandardyŋ mälımdeuınşe, stansanyŋ jylu energiiasynyŋ quaty – 2 106 Gkal/saǧ, elektr quaty – 600 MVt. Öndırılgen elektr energiiasy elordanyŋ elektr jüktemesın jäne stansanyŋ öz qajettılıgın jabuǧa jūmsalady.
Būdan ärı QR Ūlttyq ekonomika ministrı men qala äkımınıŋ orynbasary bastaǧan top integrasiialanǧan öndırıstık keşennıŋ qūrylysy barysymen tanysty.
«Astana-Tehnopolis» arnaiy ekonomikalyq aimaǧy aumaǧynda ornalasqan käsıporynnyŋ jalpy audany 17 myŋ şarşy metr eken. Ol 5 sehtan tūrady. Keşendı osy jyldyŋ soŋyna deiın paidalanuǧa beru josparlanyp otyr. Terezeler, medisinalyq jabdyqtar, keŋse jihazdary men metall būiymdaryn şyǧaratyn zauyttyŋ qūny 21,7 mlrd teŋgenı qūraidy.
– Būl öndırıs tolyǧymen jeke şeteldık investisiia esebınen qarjylandyrylady. Bız öz tarapymyzdan jaŋa jūmys oryndary aşylyp, jaŋa tehnologiialar engızıletın osyndai salalarǧa qoldau körsetuge daiynbyz. Otandyq öndırıs tūtynuşylyq sūranysty arttyrady. Mūnyŋ barlyǧy elorda ekonomikasyna oŋ äser etıp, biudjetke qosymşa kırıs äkeledı, – dedı ministr.
Qyzmet türlerınıŋ tızbesın keŋeitu şeŋberınde qazırgı uaqytta ministrlık ökılderımen biudjettıŋ şartty şyǧyndaryn esepteu pysyqtalyp jatyr.
Odan soŋ ministr qaladaǧy «Köktal-1», «Köktal-2» jäne «Agroqalaşyq» tūrǧyn alabynyŋ tūrǧyndarymen kezdestı. Būl rette astanalyqtar ministrge özderın tolǧandyrǧan sūraqtaryn tıkelei qoiyp, qaladaǧy gazdandyru, äleumettık nysandardy, onyŋ ışınde mektepter, balabaqşalar, medisinalyq ortalyqtar, kärız jelılerın salu, sondai-aq qosymşa avtobus baǧyttaryn ıske qosu mäselelerın köterdı.
Öz kezegınde Ä.Quantyrov tūrǧyndardyŋ ötınışterın mūqiiat tyŋdap, barlyq mäseleler tolyq zerdelenıp, äkımdıkpen bırlesıp qaralatynyn atap öttı.
