KELISIMGE KELDI
Qazaq ūlttyq öner universitetınıŋ Organ zalynda Qazaqstannyŋ filarmoniialyq qoǧamdary şyǧarmaşylyq yntymaqtastyq turaly memorandumǧa qol qoidy. Endı elımızdıŋ filarmoniia ärtısterı respublika qalalaryna jiı gastroldık saparǧa şyǧyp, körermenderdı quantatyn bolady.
Qūjatqa qol qoiǧan taraptar konsertter kestesın belgıledı. Kelısım boiynşa ärtıster ūjymy mausymyna bır ret bırıkken gala-konsert ötkızıp, onda üzdık ärtıske grant tapsyrylady.
BALǦYN ŞAHMATŞYLAR BÄSEKESI
Astanada klassikalyq şahmattan rapida men blis boiynşa Qazaqstannyŋ balalar bırınşılıgı bastaldy. Chempionatqa 400-ge tarta jas ümıtker qatysuda.
Turnir 8,10,12,14,16 jäne 18 jas sanatyndaǧy ūldar men qyzdar arasynda ötedı. Jeŋımpazdar osy jyldyŋ jazynda Bırıkken Arab Ämırlıgınde bolatyn balalar arasyndaǧy älem chempionatynda Qazaqstannyŋ namysyn qorǧaidy. Ekınşı oryn alǧan balalar jastar arasyndaǧy Aziia chempionatyna joldama alady.
Jarymjandardy jebedı
Astanada kompiuterlık sauattylyq, ıs qaǧazdaryn jürgızu jäne tıgınşı mamandyqtary boiynşa kurstardy bıtırgen mügedek jandarǧa sertifikattar tabys etıldı. Oqudy aiaqtaǧan 2 mügedek jūmysqa ornalastyryldy.
Jalpy, 2013 jyldyŋ soŋyna deiın kemınde 252 adamǧa bılım beru josparlanǧan. Qajet bolsa, jarymjandar oqityn jerlerıne aparyp, äkelınedı. Būǧan qosa, bılım alǧan 20 adam jyl soŋyna deiın jūmysqa ornalastyrylady.
Keşe…
Astana qalasy Almaty audany äkımınıŋ apparaty İnternasionalnyi kentınde Nauryz meiramyna arnalǧan merekelık şara ūiymdastyrdy.
Bügın…
Köktal tūrǧyn alabyndaǧy №20 orta mekteptıŋ aldynda Saryarqa audanynyŋ ūiymdastyruymen konsert bolady.
Erteŋ…
«Jastar» saraiynda «Aq kögerşın» VII halyqaralyq balalar şyǧarmaşylyǧynyŋ konkursy ötedı.
Sansöilem…
Biyl 22-24 mamyr aralyǧynda ötetın VI Astana ekonomikalyq forumyna 60 memlekettıŋ märtebelı tūlǧalary, 10 Nobel syilyǧynyŋ laureaty, 40-tan asa ırı korporasiianyŋ jetekşısı, 11 memleket jäne ükımet basşysy qatysady.
Erkejan SÄTIMBEK
