Jüzuden jarys öttı
Astanadaǧy «Qazaqstan» sport saraiynda mümkındıgı şekteulı jandar arasynda jüzuden «Astana Open Cup» aşyq kubogy öttı. Sporttyq ıs-şara Konstitusiia künıne orailastyrylǧan. Baǧdarlamaǧa 50 jäne 100 metr qaşyqtyqtarǧa erkın, brass, batterfliai stilınde jäne şalqalap jüzuden, 200 metr qaşyqtyqqa keşendı jüzuden jarystar engızıldı. Turnir qorytyndysynda halyqaralyq därejedegı sport şeberı astanalyq Änuar Ahmetov top jardy.
Bılım jäne ǧylym ministrı auysty
Keşe Memleket basşysy Nūrsūltan Nazarbaevtyŋ Jarlyǧymen Baqytjan Tūrsynūly Jūmaǧūlov Qazaqstan Respublikasynyŋ Bılım jäne ǧylym ministrı qyzmetınen bosatyldy.
Onyŋ ornyna Qazaqstan Respublikasynyŋ Bılım jäne ǧylym ministrı bolyp Aslan Bäkenūly Särınjıpov taǧaiyndaldy.
Poliseiler syilyǧy
Bılım künı qarsaŋynda Astana qalasy IID Äkımşılık polisiia basqarmasynyŋ inspektorlary jeke qarajattarynyŋ esebınen köp balaly otbasylardan şyqqan balalarǧa kiım-keşekter, sömkeler men keŋse zattaryn tabys ettı. Is-şara 30 qyrküiekke deiın jalǧasatyn jyl saiynǧy «Mektepke jol» respublikalyq aksiiasy aiasynda ötkızıldı. Maqsaty – az qamsyzdandyrylǧan, köp balaly otbasylardan şyqqan balalarǧa, jetım jäne ata-anasynyŋ qamqorlyǧynsyz qalǧan balalarǧa kömek körsetu bolyp tabylady.
Kompiuterlık sauat aşu – tegın
Astana qalasynyŋ äkımdıgı qala tūrǧyndary üşın «Aqparttyq Qazaqstan – 2020» Memlekettık baǧdarlamasyn jüzege asyru aiasynda qazaq jäne orys tılderınde kompiuterlık sauat aşu negızderıne tegın oqytady. Oqu merzımı – künıne üş akademiialyq saǧat boiynşa 1 apta. Sabaq – 9.00-11.30, 11.30-14.00, 14.00-16.30, 16.30-19.00 saǧattarda ötedı. Oqu aiaqtalǧasyn testıleu negızınde belgılengen ülgıdegı sertifikattar berıledı.
Meken-jaiy: Astana qalasy, M.Äuezov köşesı, 36 üi
(Astana gumanitarlyq-qūrylys kolledjınıŋ ǧimaraty).
Aldyn ala: 70-12-35; 70-12-33; ūialy: 8-778-145-22-60;
8-705-281-21-15 telefondary boiynşa jazyla alasyz.
Keşe
Astanada QR Parlamentı Palatalarynyŋ bırlesken otyrysy öttı.
Bügın
Täuelsızdık saraiynda halyq suretşısı Äubäkır Ysmaiylovtyŋ 100 jyldyǧyna arnalǧan halyqaralyq konferensiia men körme ötedı.
Erteŋ
Kongress Hollda «Külkı älemı» äzıl-syqaq keşı ötedı.
Sansöilem
100 Astanada jaŋa oqu jylynyŋ qarsaŋynda jetım jäne az qamsyzdandyrylǧan otbasydan şyqqan osynşa balaǧa kiım-keşek, aiaq kiım men mektepke qajettı jabdyqtar berıldı.
Erkejan SÄTIMBEK
