Bügınde elordadaǧy Täuelsızdık saraiynda qalalyq Mädeniet basqarmasy men «Aray Gallery» ūiymynyŋ mūryndyq boluymen zamanaui önerdıŋ bırınşı halyqaralyq körmesı ötıp jatyr. «Astana Art Fair» dep atalatyn airyqşa şaraǧa otandyq suretşılermen qatar Fransiia jäne Japoniia elderınıŋ önerpazdary qatysuda.
«Aray Gallery» – qazırgı taŋda şyǧarmaşylyqqa bet būrǧan jaŋa esımderdı qoldaudy maqsat tūtqan öner mektebı. Atalmyş mekemenıŋ ökılderı ärtürlı baǧyttaǧy körmelerdı ūiymdastyru arqyly Astananyŋ kreativtı alaŋqaiyndaǧy tūlǧalardyŋ basyn bır ortaǧa bırıktırudı közdeidı.
Joǧarydaǧy joba aiasynda jüzege asyp jatqan sübelı ısterdıŋ bırı retınde «Astana. Evolution» fotokörmesın atauǧa äbden bolady. Onda bas şahardyŋ ärtürlı rakurstan tüsırılgen suretterı qoiylǧan. Tuyndylardyŋ ädemılıgınen köz sürınetındei. Olarǧa qarap zamanaui tehnika men älemdık qauymdastyqtardyŋ qazırgı fotoönerge yqpalyn bırden baiqaisyz. Elordany jaŋa ärı köne nūsqada, tört mezgılde, kündız jäne tünde, köptegen arhitekturalyq stilde «şyrt etkızgen» fotograftardyŋ şeberlıgıne şynymen-aq täntı bolasyz.
Būl şara bärınen būryn astanalyq jas fotograftar üşın taptyrmas mümkındık bolǧany anyq. Öitkenı, jūrtşylyq endıgı uaqytta foto avtorlaryn tanyp qana qoimai, aldaǧy jūmystaryn da asqan qyzyǧuşylyqpen kütetını belgılı.
– Men üşın fotografiia – qorşaǧan ortadan özgeşe dünienı tabuǧa kömektesetın ūly öner. Sondyqtan ärqaşan ızdenıs üstınde jüruge tyrysamyn. Jūmystarym halyqqa ūnap, estetikalyq läzzat syilap jatsa, odan asqan qandai baqyt kerek?! – deidı körmege qoiylǧan foto avtorlarynyŋ bırı Aibek Ahanov.
Körme 2 qyrküiekke deiın jalǧasady.
