(poiyzben köp jüretın qazaqtyŋ poşymy)
Jeter jerıŋe jedel şyǧatyn kezıŋ köp. Ondaida vokzal kassasyndaǧy suyrdyŋ ınındei tesıkten şyǧatyn dauys «bilet tausylyp qalǧan» dep saŋqyldaidy. Al, qarapaiym būqara qalaǧan uaqytynda ūşaqqa otyra salatyndai, aq nanǧa bekırenıŋ uyldyryǧyn jaǧyp jep jatqan joq. Qolyndaǧy qytailyq sömkesın qompitqan – qara bazardan baǧasyn tüsırtıp alǧan eskı-qūsqy kiımderı men tuystaryna ūstai baratyn ekı uys arzan kämpit-pışina ǧana. Mende de sol. Sosyn, bezıldep otyryp jolserıkke barasyŋ. Bar äŋgımenıŋ siqy: «Kelıseiıkşı!», «Kıre ber!».
Orta joldasyŋ. Özge öŋırden bazarlyq almaq bolǧan aqşaŋnyŋ jartysy äp degende-aq kök jeidelınıŋ qaltasyna süŋgıgen. Bırazdan keiın ol qu «qazır jolda mılisa men kämissiia teksere qalsa…» dep, közın jıpsitıp, qyşymasa da jelkesın qasidy. «Anauyŋnyŋ üstınen taǧy da qospasaŋ bolmaidy» degen işara ǧoi. Onsyz da solardyŋ kıreberıstegı üşınşı qabatynda pysynap, pysyldap jatqan qairan basyŋ qaitpek kerek?!. Şamaŋa qaramai, qyŋyraiyp baǧasyŋ da endı! Aitatynyŋ: «Aqşa joq oǧan! Qaltamda qalǧan tiyn-teben abyratyna qaituyma kerek». «Endeşe, olar tekserer kezde, orta joldan ııışt!». Syrt jaqqa közın alartyp, qasyn bır qaǧyp qalady. Bır tūrǧynyn bılmeitın bögde aimaqta ne bıtırem?! Qyzdary da özge ǧalamşardan tüskendei erbiıp jürgen aqşasyz qaŋǧybaspen tanysa qoimas. Amal joq…
Jeter jerıŋe äupırımdep jettıŋ. Keşteu oilanǧan bolasyŋ. «Kassada tausylyp qalǧan biletter kök jeidenıŋ tös qaltasynda neǧyp jür? Däl köz aldymda jūrtqa eselei satyp, olardy jaily oryndarǧa otyrǧyzyp qoidy. Al, men…». Bıraq, jol boiy qasymda bolǧan ol serık te «jolserık» qoi özınşe! Onsyz da orysşa oramyn äzer jazyp, aǧylşynşaǧa būrai bastaǧan tılımdı tıstei-tıstei, qyrşyp tynatyn halge jettım. Uff!
Erkeǧali BEISENOV
