Nūr-Sūltan qalasynda onkolog därıgerlerdıŋ qatysuymen halyqaralyq ǧylymi-täjıribelık konferensiia öttı.
Oǧan elımızdıŋ oblystarynan osy salanyŋ mamandary men körşıles Resei, Qyrǧyzstan, Qytai Halyq Respublikasynan ǧalymdar qatysty.
Qazır Qazaqstanda onkologiialyq aurumen esepte tūrǧandardyŋ sany 170 myŋnan asady. Al jyl saiyn 36 myŋǧa juyq adam qaterlı ısık diagnozymen tırkeledı. Būl körsetkıştıŋ är jyl saiyn ösıp otyrǧanyn aitqan onkologtar, qazırgı kezde jaman auruǧa şaldyqtyratyn sebepterdıŋ de köp ekenın alǧa tartady. Tek elımızde ǧana emes, älemde äielderdıŋ süt bezı qaterlı ısıgı aldyŋǧy orynda tūr. Qazaqstanda bır jylda 4 myŋnan astam adam süt bezı qaterlı ısıgıne şaldyqsa, 1400-ge juyǧy onkologiialyq aurudyŋ osy türınen köz jūmady.
Būdan keiıngı körsetkıştı ökpe qaterlı ısıgı körsetse, asqazannyŋ qaterlı ısıgı de örşıp tūr. Därıgerler onkologiialyq aurulardyŋ eŋ basty sebepterıne tūqym qualauşylyqty jatqyzǧanymen, ekologiia men dūrys tamaqtanbau, salauatty ömır saltyn ūstanbau derttıŋ dendeuıne jol aşyp otyrǧanyn aitady.
– Bügıngı halyqaralyq konferensiianyŋ jūmysy jemıstı ötude. Bız qazır onkologiia salasyndaǧy ülken jetıstıkterdı praktikalyq jaǧdaida qoldanudamyz. Täjıribe almasyp, kün tärtıbındegı mäselelerdı jan-jaqty talqyladyq, – deidı Nūr-Sūltan qalasy äkımdıgınıŋ köpsalaly medisinalyq ortalyǧynyŋ direktory Mūhtar Töleutaev.
