«Astana Taŋdauy» baiqauyna ūsynylyp otyrǧan azamattardyŋ bırı – №1 avtobus parkınıŋ jürgızuşısı Qanat Kültaev.
Künnen-künge halqynyŋ sany artqan saiyn Astanada jolauşylar da, kölık te köp. Kölık salasynyŋ qyzmetkerlerı jūrtşylyqpen tıkelei jūmys ıstegennen keiın aryz-şaǧymdar da az bolmai jatady keide. Äsırese, avtobus jürgızuşılerdıŋ «jyn quǧandai» jürısıne, mädenietıne narazylyq bıldıruşıler jetkılıktı. Tıptı, bügınde jol jüru erejesın qataŋ saqtaityn mamandar joqtai körınetın boldy. Söitsek, būnymyz aǧattyq eken. Jürgızuşılerdıŋ ışınde de qanşa jyl jūmys ıstese de artyna bırde-bır ret söz ertpegen, tek jolauşylardyŋ alǧysyn arqalap kelgen azamattar bar körınedı. Sonyŋ bırı – №10 avtobustyŋ jürgızuşısı Qanat Kültaev.
Ol 1968 jyly Aqmola oblysy, Qorǧaljyn audanynyŋ Janteke auylynda düniege kelgen. Sol jerdegı Qyzyltu orta mektebınen bılım närımen susyndaǧan Qanat Hamzeūly 1986 jyly oquyn tämämdap, Otan aldyndaǧy azamattyq boryşyn öteuge attanady. Tuǧan elıne oralǧannan keiın № 1 avtobus parkınıŋ janyndaǧy jürgızuşıler kursyna qabyldanady. Sonau 1989 jyldan berı osy avtobus parkınde qyzmet atqaryp keledı. Bügınge deiıngı 24 jyl ışınde ol özınıŋ mamandyǧyna kır keltırmegen eken.
Bıle bılgenge avtobus jürgızuşısı – qiyndyǧy köp mamandyq. Taŋmen talasa tūryp, keş qaraiǧanǧa deiın tehnikamen alysu – temırdei jüikenı, asqan tözımdılıktı qajet etedı. Uaqyttyŋ qadırın ūǧynatyndardyŋ bırı osy jürgızuşıler me dep qaldyq. Qanat Hamzeūlynyŋ uaqyty sanauly, ölşeulı. Bızben jolyǧuǧa jarty saǧatty äreŋ tapty. Künı boiy avtobusta jüretın ol tüskı as mezgılınde ǧana säl damyldaidy eken. Bıraq, oǧan keiıp jürgen Qanat Kültaev joq. Avtobus jürgızuşısı bolyp, astanalyq jolauşylardy tasymaldaǧanyna eş ökınbeidı. Ärdaiym kölıgıne mınuşılerge jaidary, jarqyn, jyly qabaq tanytady. Jauapkerşılıktı bärınen de biık qoiatyn ol jol jüru erejelerın qataŋ saqtaidy. «Men üşın eŋ bastysy – jolauşylardy aman-esen dıttegen jerıne jetkızu», – deidı jürgızuşı. Qanat Hamzeūly jūmystan sebepsız qalyp nemese keşıgıp körgen emes. Ūjym müşelerı arasynda da erekşe qūrmetke ie. Adal qyzmetınıŋ öteuı retınde köptegen marapattaularǧa da ie boldy.
Qanat Kültaev otbasynda ekı bala tärbielep otyrǧan ardaqty äke. Qoly qalt etse, voleibol men hokkei oinaǧandy jaqsy köredı. Ol №1 avtobus parkınde jäne qala aumaǧynda ötetın mädeni-ruhani şaralarǧa belsene atsalysady.
Jas kezınen jürgızuşı boludy armandaǧan Qanat Hamzeūly mamandyǧyn erekşe jaqsy köredı. Käsıbıne degen osy mahabbaty ony şeber jürgızuşı atandyrdy. «Öz ısın şeber meŋgergen maman iesı – öskeleŋ ūrpaqqa ülgı. Sondyqtan, ol «Astana baiqauyna» jeŋımpaz boluǧa äbden laiyq», – deidı ärıptesterı.
Ainūr NŪRMAǦANBET,
Qostanai Memlekettık universitetınıŋ 2-kurs studentı
